Marko 8:17 - BIBLIYA NTAGATIFU OMU MASHI

¹⁷ Naye erhi amanya, ababwîra, erhi: «Cirhumire mudwîrhe mwagerêreza mpu murhadwîrhi lwîko? Aye! Kuziga murhasâg’iyumva murhanasâg’imanya! Ka emirhima yinyu eciri mizibu?

Marko 8:17 ပူးပေါင်းရင်းမြစ်များ

Izaya 63:17

Cici cirhumirage, Yâgirwa Nyakasane, oleka rhwahabukira kulî, rhwarhenga omu njira zâwe, n’okudundaguza emirhima yîrhu ebule kukurhînya? Galuka erhi buzigire bw’abarhumisi bâwe burhuma n’obw’amashanja gw’omwîmo gwâwe.

Mateyo 12:15

Erhi Yezu acimanya, arhenga aho, na bantu banji bamushimba, anabafumya boshi.

Mateyo 15:17

Murhayumvîrhi oku ebija ekanwa omu nda birhogera, na kandi bijè aharhankaderhwa.

Mateyo 16:7

Nabo bakengêra banacîbwîra bône na bône, mpu: «Bulya rhurhadwîrhi migati».

Marko 16:14

Buzinda abonekera balya ikumi na muguma, erhi badwîrhe balya. Abakalihira erhi kubula buyêmêre kwâbo kurhuma n’oku buzibu bw’emirhima yâbo bw’okurhayêmêra balya bamubwîne afûsire.

Marko 2:8

Ho na halya Yezu amanya omu murhima gwâge oku badwîrhe barhimanya ntyo; anacibabwîra, erhi: «Cirhumire mukengêra ntyo omu mirhima yinyu?

Marko 3:5

Anacibagezamwo amasù, akunîre anali burhè erhi mirhima yâbo mibî erhuma; abwîra olya muntu, erhi: «Lambûla okuboko». Akulambûla, n’okuboko kwâge kwafuma.

Marko 6:52

bulya barhumvagya ciru ehitya ecisômerîne c’erya migati, omurhima gwâbo gwacîyôrhera muzibu.

Marko 8:16

bajânamwo bône na nnene, mpu: «Rhurhadwîrhi lwîko».

Luka 24:25

Obwo anacibabwîra, erhi: «Abà bahwi­njà n’ab’emirhima mizibu oku kuyêmêra ebyaderhagwa n’Abalêbi!

Yowane 16:30

Lêro rhwamâbona oku oyishi byoshi, na ntâye ocilagirîre oku­kudôsa. Lêro rhwamâyêmêra oku wahubukaga muli Nyamuzinda».

Yowane 21:17

Amudôsa obwa kasharhu, erhi: «Simoni, mwene Yowane, k’onzigira?» Petro alumwa erhi ayumva amudôsa kasharhu, erhi «K’onzigira?» Anacimubwîra, erhi: «Yâgirwa, oyishi byoshi, orhahabiri oku nkuzigira». Yezu amubwîra, erhi: «Yabula ebibuzi byâni».

Mafulûlo 2:23

N’abâna bâge boshi nâbayirha, bafè; ntyo Ekleziya zoshi zimanye oku nie Nyamuzinda oyishi ebiri omu nsiko n’omu mirhima; nanayish’ilyûla ngasi muguma muli mwe nk’oku ebijiro byâge binakwânîne.