Marko 8:12 - BIBLIYA NTAGATIFU OMU MASHI

¹² Ashishimukwa, aderha, erhi: «Cici cirhumire eri iburha lyalonza ecimanyîso? Okuli, mmubwîre, eri iburha lirhahâbwè cimanyîso».

Marko 8:12 ပူးပေါင်းရင်းမြစ်များ

Izaya 53:3

Agayaguzibwa ananenwa n’abantu; àli muntu wa malumwa, arhahusagya kubabala; àli ashushire olya abandi bacibwîkira obusù omu kumubona; àli agayaguzîbwe, na ntyo nîrhu rhwamulola nka bikabulirwa.

Mateyo 12:38

Lêro baguma omu bashamuka b’ihano n’omu Bafarizeyi bamubwîra, mpu: «Mwigîriza, rhwalonza orhuyêreke ecimanyîso».

Mateyo 16:4

Eri iburha libî n’ery’endyâlya lyalonza ecimanyîso! Ecimanyîso ntâco lyahâbwa, ecirhali c’omulêbi Yônà!» Aho abaleka, acîgendera.

Marko 3:5

Anacibagezamwo amasù, akunîre anali burhè erhi mirhima yâbo mibî erhuma; abwîra olya muntu, erhi: «Lambûla okuboko». Akulambûla, n’okuboko kwâge kwafuma.

Marko 6:6

Okubula obuyêmêre kwâbo kwamusômera. Anacij’ageragera omu bishagala by’eburhambi, aj’ayigîriza.

Marko 7:34

Okubundi agâla­mîra emalunga, ayîsa bwenêne, acibwîra, erhi: «Efeta», kwo kuderha: «yîguka».

Marko 8:13

Anacibasêzera, acirhulira omu bwârho, ayikirira erindi ishiriza.

Marko 9:19

Anacimushuza, amubwîra, erhi: «Eri iburha libula-buyêmêre, kuhika mangaci nayôrha ninyu? Kuhika mangaci nâmmulembere? Nderheragiye».

Luka 19:41

Erhi akola ahika omu cishagala, arhondêra okucilakira, erhi: