Marko 7:34 - BIBLIYA NTAGATIFU OMU MASHI

³⁴ Okubundi agâla­mîra emalunga, ayîsa bwenêne, acibwîra, erhi: «Efeta», kwo kuderha: «yîguka».

Marko 7:34 ပူးပေါင်းရင်းမြစ်များ

Lubungo 2:23

Erhi nsiku nyinji zigera, omwâmi w’e Mîsiri afà. Mwo bulya bujà bwâbo, bene-Israheli balakira Nyamuzinda, babanda endûlù, na kurhenga omu bujà bwâbo, endûlù yâbo yasôkera emwa Nyamuzinda.

Izaya 53:3

Agayaguzibwa ananenwa n’abantu; àli muntu wa malumwa, arhahusagya kubabala; àli ashushire olya abandi bacibwîkira obusù omu kumubona; àli agayaguzîbwe, na ntyo nîrhu rhwamulola nka bikabulirwa.

Marko 1:41

Yezu amufa bwonjo, alambûla okuboko, amuhumakwo, anamubwîra, erhi: «Nnonzize, fumaga».

Marko 15:34

Erhi kubà mafuluko, Yezu anaciyâma n’izù linene, erhi: «Eloyi, Eloyi, lama sabaktani?» Kwo kuderha: «Nyamuzinda wâni, Nyamuzinda wâni, carhumire ondeka?»,

Marko 5:41

Agwârha olya mwâna okuboko, amubwîra, erhi: «Talita kum», kwo kuderha: «We munyere, nkubwîzire nti ozûke!»

Marko 6:41

Okubundi a­rhôla erya migati oku eri irhanu na zirya nfî zombi, agalamira emalunga, abigisha, abega erya migati, ayihêreza abaganda bâge mpu bagabulire abantu; na zirya nfî nazo azigabirabo.

Marko 7:35

Ho na halya amarhwîri gâge gayiguka n’olulimi lwâge lwashwêkûka: arhondêra aderha bwinjinjà.

Marko 8:12

Ashishimukwa, aderha, erhi: «Cici cirhumire eri iburha lyalonza ecimanyîso? Okuli, mmubwîre, eri iburha lirhahâbwè cimanyîso».

Luka 18:42

Yezu amubwîra, erhi: «Bonaga! Obuyêmêre bwâwe bwakufumize».

Luka 19:41

Erhi akola ahika omu cishagala, arhondêra okucilakira, erhi:

Luka 7:14

Anaciyegera, ahuma oku nkundabaniha. Abàli babarhwîre bayimanga. Anaciderha, erhi: «We musole, nkurhegesire ozûke!»

Yowane 11:33

Yezu erhi abona agwîra emirenge haguma n’Abayahudi bâli naye, ecifufu camugwârha anayumva oburhè.

Yowane 11:35

Yezu anacirhondêra arhoza emirenge.

Yowane 11:38

Yezu ashub’igwârhwa n’ecifufu, ajà e­bwa cûsho. Gwàli mwîna gufûnisirwe n’ibuye.

Yowane 11:41

Banacikûla lirya ibuye. Okuhandi Yezu ayînamula amasù, aderha, erhi: «Larha, nkuvuzire omunkwa, kulya kubà wa­nyumvîrhîze.

Yowane 11:43

Erhi ayûs’iderha ntyo, ayâkûza n’izù linene, erhi: «Lazaro huluka, ojà eno mbuga!»

Yowane 17:1

Erhi ayûs’iderha ebyo binwa, Yezu ayînamula amasù, agalamira e­nyanya, aderha, erhi: «Larha, amango gahisire: kuza Mugala wâwe, lyo Mugala wâwe akukuza,

Ebijiro 9:34

Petro anacimubwîra, erhi: «Eneya, Yezu Kristu amâkufumya! Yimuka, obambe wêne encingo yâwe». Ayimuka ho na halya.

Ebijiro 9:40

Petro ahulusa abamuli boshi, anacifukama, ashenga Nnâmahanga. Okuhandi ahindamukira emunda omurhumba gwàli, aderha, erhi: «Tabita, zûka!» Anacilambûla amasù, n’erhi abona Petro, atamala.

Bahabraniya 4:15

Bulya rhurhagwêrhi omudâhwa mukulu orhankahash’iyumva olukogo lw’obuzamba bwîrhu: kulya kubà naye àbuyumvîrhe bwoshi akîrhu, kuleka ecâha.