Marko 7:10 - BIBLIYA NTAGATIFU OMU MASHI

¹⁰ Bulya Mûsa adesire, mpu: “Okenge sho na nyoko, na owahehêrere îshe erhi nnina, anafè”.

Marko 7:10 ပူးပေါင်းရင်းမြစ်များ

Lubungo 20:12

Okazikenga sho na nyoko, ly’olama myâka minji omu cihugo ohîrwe na Nyakasane, Nyamuzinda wâwe.

Lubungo 21:17

Owahehêrere îshe erhi nnina, ananigwe, afè.

Migani 20:20

Oderha îshe na nnina buligo, ânazimirwe n’akamole omu ndunduli y’omwizimya.

Migani 30:17

Amasù omuntu akengulamwo îshe, âgagayira nnina wa muntu obugikulu, bihungu by’oku lwîshi byâgarhule, bigukuma byâgashêge!

Ben Levi 20:9

Ntyo, erhi omuntu ankagayaguza îshe erhi nnina, oyo muntu anafè; bulya ajacire îshe na nnina, anacibarhuze omukò gwâge yêne.

Mateyo 15:4

“Ci Nyamuzinda aderhaga, mpu”: “Okenge sho na nyoko, mpu n’owakungulire îshe erhi nnina, anafè”.

Marko 10:19

Oyishi amarhegeko: Orhahîra kanigana, orhahîra okahusha, orhahîra okazimba, orhahîra okahamîriza obunywesi, orhahîra okalya ebya bene, okaz’ikenga sho na nyoko».

Lushika 27:16

Aherêrekere mâshi, omuntu wakolera îshe na nina amaligo. N’olubaga lwoshi lwanaderha mpu: «Amen».

Lushika 5:16

«Okazikenga sho na nyoko nka kulya Nyamubâho Nyamuzinda wâwe akurhegekaga, ly’olama nsiku nyinji onabone omugisho mwa cirya cihugo Nyamubâho Nyamuzinda wâwe akuhà».