Marko 6:20 - BIBLIYA NTAGATIFU OMU MASHI

²⁰ bulya Herodi akâg’irhînya Yowane, oku kubà àli muntu mushinganyanya na Mutagatîfu, anakag’imulanga. Erhi amuyumvagya, omurhima gunamulye, ci okwo kurharhumaga arhakâsima okumuyumvîrhiza.

Marko 6:20 ပူးပေါင်းရင်းမြစ်များ

1 Bâm 21:20

Ahabu anacibwîra Eliya, erhi: «Nêci wamanangwâsagya bulya wâni mushombanyi wâni!» Eliya, erhi: «Namakugwasa bulya wacîguzize ene ojira okugalugalu embere za Nyakasane.

2 Bâm 13:14

Elishaʿ anacijakwo endwâla n’eyo ndwâla yanacimujâna oku idaho. Yoash mwâmi w’Israheli anacibungulukira emunda ali, arhondêra okulakira embere zâge n’okuderha erhi: «Larha we! Larha we! We ngâlè y’Israheli na basirika bâge!».

2 Bâm 6:21

Omwâmi w’Israheli erhi ababona anacidôsa Elishaʿ erhi: «Ka mbanige, ka mbayîrhe, larha»?

2 Nganîro 24:2

Yoash ajira ebishingânîne omu masù ga Nyamubâho amango omudâhwa Yehoyada anacihali goshi.

2 Nganîro 26:5

Acîhangana okulongereza Nyamubâho, amango ga Zekariyahu, ye wakazâgimuyigîriza oku arhînya Nyamuzinda na muli agôla mango akazâgilongereza Nyamubâho, Nyamuzinda amuhà okuyôloloka.

Lubungo 11:3

Nyakasane arhabâla olubaga okurhona emwa Abanya-Mîsiri. Na kulusha, Mûsa yêne ali muntu mukulu bwenêne omu cihugo c’e Mîsiri, omu masù ga bambali ba Faraoni mwâmi w’e Mîsiri n’omu masù g’olubaga.

Ezekiyeli 33:32

“Lolà oku kuli bo onali na mwimbiza kône olya oyi­mbà bwinjà, olya ojira izù linjà n’okuziha bwinjà olulanga; banakaz’iyumvi­rhiza ebinwa byâwe barhanabishimbe”.

Daniyeli 4:18

“ogwôla murhi gwàli gugwêrhe ebyâsi binjinjà n’amalehe manji, ogwôla murhi gwàli kwo ebiryo by’abantu boshi, n’ogu ensimba zakazâgiyishibêra omu cihôho câgo n’enyunyi z’e malunga zakazibêra omu mashami gâgo”.

Daniyeli 4:27

mwâmi aderha, erhi: «K’arhali cihugo ca Babiloni ecîra, Babiloni munene bwenêne oyu niene nayûbakaga nti mwo nadêkereza obwâmi bwâni n’obuhashe bwâni, kandi nti abè irenge ly’obukulu bwâni?»

Daniyeli 5:17

Okubundi Daniyeli abwîra mwâmi erhi: Oyorhane ezôla ngalo zâwe, ohè n’owundi ebyôla by’oluhembo lwâwe! Ci kwônene nasomera mwâmi agôla mandiko nankuhugulire gwo.

Mateyo 14:5

Ci erhi Herodi acilonza okumuyîrha, ayôboha olubaga, bulya lwakâg’ilola Yowane nka mulêbi.

Mateyo 21:26

«Na rhukaderha nti emwa abantu, abà bantu barhuyîrha, bulya boshi kwo bakâg’ilola Yowane Mubatiza nka mulêbi!»

Marko 11:18

Erhi abajinji b’abadâhwa n’abashamuka b’ihano bayumva eyo myanzi, balonza kurhi bamuyîrha; ci bamuyôboha, bulya olubaga lwoshi lwakâg’isômerwa n’enyigîrizo zâge.

Marko 4:16

Na zirya zarhogeraga omu lukalabuye, bo bantu bayumva Oluderho, baluyankirire banasîmire;

Yowane 5:35

“Yowane kàli kamole katwanyire kanalangashîne; mwanali mulonzize okusîma hisanzi hisungunu omu bumoleke bwâge”.

Ebijiro 2:12

Boshi bagwârhwa n’obwôba, barhangâla banakâbwizanya, mpu: «Lêro kwo kurhi oku?»

Ebijiro 5:24

Erhi bayumva okwo, omurhambo w’aka-Nyamuzinda n’abajinji b’abadâhwa bazânwa, bakadôsanya mpu lêro kwo kurhi okwo.