Marko 5:33 - BIBLIYA NTAGATIFU OMU MASHI

³³ Okubundi olya mukazi anaciyôboha, agera­ mw’omusisi, bulya ali amanyire oku byabîre kwoshi. Anaciyisha, acikwêba aha magulu gâge, amurhondêreza oku binali kwoshi.

Marko 5:33 ပူးပေါင်းရင်းမြစ်များ

Ennanga 30:2

Nkola naderha aminjà gâwe, Nyamwagirwa: wandîkûzize Muhanyi, orhanazigaga abashombanyi bâni bacîzigiriza nie ntumire.

Ennanga 66:16

Mwe mukenga Nyamuzinda mweshi mukanye muyumve, mukanye mmurhondêreze ebi àjirîre iroho lyâni!

Marko 4:41

Banacigeramw’omusisi, banakabwîrana bône na nnene, mpu: «Lêro ye ndi oyu! Ci yêhe empûsi n’enyanja bidwîrhe byamuyumva!»

Marko 5:32

Anacilola eyi n’eyi, mpu abone owajiraga ntyo.

Marko 5:34

Anacimubwîra, erhi: «Mwâna wâni, obuyêmêre bwâwe bwakufumize; ocîgendere n’obuholo, onafume endwâla yâwe».

Luka 1:12

Zakariya erhi amubona afuduka, agwârhwa n’obwôba.

Luka 1:29

Erhi ayumva ntyo, afuduka, acîdôsa gwo musingo muci ogwo.

Luka 8:47

Olya mukazi erhi abona agwâsirwe, anaciyisha, aj’ageramwo omusisi, acîrhimba aha magulu gâge, acîshobeka embere z’abantu boshi, ababwîra ecarhumaga amuhumakwo n’oku afumiraga oku liguma.