Marko 5:23 - BIBLIYA NTAGATIFU OMU MASHI

²³ anacimushenga bwenêne, erhi: «Mwâli wâni ali obufa; oyîshe, omuhumekwo lyo afuma analame».

Marko 5:23 ပူးပေါင်းရင်းမြစ်များ

2 Bâm 5:11

Nahamani abà burhè, acîkenyangula, agenda aciderheza erhi: Nakazâgicîkebwa nti nkaba ahuluka, ampikeho anayâkûze izîno lya Nyakasane, Nyamuzinda wâge, nti nkaba azunguliza okuboko kwâge ebwa lunda lutakatifu ntyo anfumye nie nya-mubenzi.

Ennanga 107:19

Bayâkûza Nyakasane muli obwo bulagîrire bwâbo, abalîkûza kuli ago malibuko.

Ennanga 50:15

N’olusiku wânabe ogwêrhwe n’omutula onanyâkûze, wâbona oku nakulîkûza onankenge.»

Mateyo 8:3

Yezu alambûla okuboko, amuhumako anamu­ bwîra, erhi: «Nnonzize, fumaga!» Muli ako kanya konênè, olushomyo lwâge lwafuma.

Marko 16:18

bayâgwârhe e­njoka; n’erhi bakanywa obwôge, burhakabajira kurhi; bâlambulire amaboko oku balwâla, nabo bafume».

Marko 5:24

Yezu amushimba, n’olubaga lunji lw’abantu lwamukulikira lwanamugorha.

Marko 6:13

bakâlibirhakwo bashetani banji, bakashîga balwâla banji amavurha, banakaz’ibafumya.

Marko 7:32

Bamulêrhera ecihuli c’akaduma, bamuhûna mpu acihirekwo oku­boko.

Marko 8:23

Anacigwârhira gulya muhûrha oku kuboko, aguhêka eburha­mbî bw’olugo, agutwîra amarhî oku masù, agulambûlirakwo amaboko, agudôsa, erhi: «Ka muli eci obwîne?»

Luka 13:13

Okubundi amuhirakwo amaboko. Ho na halya, anacigonyôka, akuza Nyamuzinda.

Luka 4:38

Erhi ahuluka omu sinagogi, ajà aha mwa Simoni. Nnazâla wa Simoni erhi ashushîrwe bwenêne; banacimusengerera.

Luka 4:40

Erhi izûba lizika, ngasi boshi bali bagwêrhe abalwala ba ngasi buzamba, bamulerherabo. Naye akahirakwo ngasi muguma okuboko, abafumya.

Luka 7:12

Erhi akola ahika omu ihulukiro ly’olugo, abona babarhwîre omufù: àli mwâna-rhabana cûsha wa nnina, naye erhi na mukana; n’engabo erhali nyi y’abantu b’oku lugo erhi bamulusize.

Yowane 11:3

Bâli bâbo bombi barhumizagya emwa Yezu, mpu: «Yâgirwa, olya ozigira, alwâla».

Ebijiro 28:8

Lêro kwanacibà erhi îshe wa Publiyo ali aha ncingo, erhi ishushira n’omukunguru bimudwîrhe bitulu-bitulu. Paolo aj’imurhangula, ashenga, amulambûlirakwo amaboko, amufumya.

Ebijiro 6:6

Bâna­cibalêrhera Entumwa, n’erhi babà bamâshenga, bàbalambûlirakwo amaboko.

Ebijiro 8:17

Obwo Petro na Yowane babalambûlirakwo amaboko, bàhâbwa Mûka Mutagatîfu.

Ebijiro 9:12

anabwîne omulume, izîno lyâge Ananiya, ajà omu ali, anamulambûlirakwo amaboko mpu amuhûrhûle».

Ebijiro 9:17

Ananiya anacilîkûla, ajà omu nyumpa, amulambûlirakwo amaboko, amubwîra, erhi: «Saulu, mwene wîrhu, Nyakasane ontumire, mpu lyo ozibûka amasù onayunjule Mûka Mutagatîfu».