Marko 4:6 - BIBLIYA NTAGATIFU OMU MASHI

⁶ Erhi izûba licibasha, zaciyumira, bulya ntà mizî zagwêrhe.

Marko 4:6 ပူးပေါင်းရင်းမြစ်များ

Lwimbo 1:6

Murhalolaga omubiri gwâni mwîru, izûba eryo lyambabaga? Bagala ba nyâmà abâla bandubiraga, banjira mulanzi wa mizâbîbu. Elyani ishwa ly’emizâbîbu ntalilangaga!

Izaya 25:4

Bulya we lwâkiro lw’omuzamba, we nyamwegemerwa w’omukenyi omu bulagîrire bwâge, we kacîkirizo k’enkuba y’ecihonzi, we cihôho c’okulanga oku idûrhu ly’izûba. Bulya omûka gw’abantu bakali kwo guli nka cihonzi c’amango g’e­ mpôndo.

Yônà 4:8

E­erhi izûba lishoshôka, Nyamuzinda azûsa empûsi yâyôca, lirya izûba lyabasha­ kwo Yônà, okuhandi ajogonokerwa. Kandi acîfinja olufù, aderha, erhi: «Aye! Okufà kwo kukulu aha kulama ntya».

Mateyo 13:6

Erh’izûba licibasha, zalaba, lêro zacîyumira, bulya ntà mizî zagwêrhe.

Marko 4:5

Ezindi zarhogera omu lukalabuye lurhagwêrhi budaka bunji, zanacimera dubaduba, bulya obudaka burhàli buli.

Marko 4:7

Ezi­ ndi zarhogera omu mishûgi, n’erhi emishûgi ekula, yazihuhya, zirhanaciyêra­gakwo cici.

Befezi 3:17

lyo na Kristu abêra omu mirhima yinyu erhi buyêmêre bwinyu burhuma. Mumere emizî omu buzigire, munasêre omu buzigire,

Bakolosi 2:7

Mumumerekwo emizî munamusêrekwo, musimikire oku buyêmêre nka kulya mwayigîrizibagwa, munayôrhe mwavuga omunkwa.

2 Tesalonika 2:10

na ngasi burhebanyi bwoshi bw’obubî, mpu ahabûlemwo emihera, bulya erhayankiriraga obuzigire bw’okuli bwankabacizize.

Yakôbo 1:11

izûba likashoshôka, linajire ecîdûrhudûrhu, libabule olubala; obwâso bw’emburho burhoge, ohabe aha obudukuliza bwâbwo bwamâjà. Ntyo kwo n’abagale baherêrekere omu njira zâbo.

Yûda 1:12

Abo bantu bo bakâzinza amadinye ginyu g’ecinyabuguma. Nka balya, barhabà nshonyi, na ntà cindi bakengêra okurhali kuyunjuza amada gâbo. Kwo bali nka bitù birhalimwo nkuba bidwîrhe byayehûlwa n’empûsi; eri mirhi ya canda erhalikwo malehe, efîre kabiri enakundusire!

Mafulûlo 7:16

Barhakacishalika barhakanaciyumva nyôrha bundi; ntà mango izûba lyacibalibuze, na ntà hidûrhu hyacibajire kurhi.