Marko 3:5 - BIBLIYA NTAGATIFU OMU MASHI

⁵ Anacibagezamwo amasù, akunîre anali burhè erhi mirhima yâbo mibî erhuma; abwîra olya muntu, erhi: «Lambûla okuboko». Akulambûla, n’okuboko kwâge kwafuma.

Marko 3:5 ပူးပေါင်းရင်းမြစ်များ

Murhondêro 6:6

Nyamuzinda acîganya mpu eci alemeraga omuntu hano igulu, alumwa bwenêne omu murhima gwâge.

1 Bâm 13:6

Mwâmi ashub’ilîka akanwa anacibwîra olya muntu wa Nyamuzinda, erhi: «Mâshi onsengerere Nyakasane Nyamuzinda wâwe, ompunire ly’okuboko kwâni kushubira emunda ndi.» Olya muntu wa Nyamuzinda anacisengera Nyakasane n’okuboko kwa mwâmi kwanacishubira emunda ali, kwayôrha nk’oku kwanali embere.

Nehemiya 13:8

Nayumva kwanduma bwenêne nanakwêba ebirugu bya Tobiya embuga byoshi,

Ennanga 95:10

Myâka makumi anni yoshi erhi oburhè bw’eryôla iburha bungwêrhe, naderha obwo nti: «Omurhima gw’olu lubaga kuhabuka gunahabusire», nti: «Ciru barhishi enjira zâni oku zigenda.»

Mateyo 12:13

Lêro anacibwîra olya muntu, erhi: «Lambula okuboko». Anacikulambûla, kwanacishubiramwo obugumaguma, kwabà nka okwâbo.

Marko 3:4

Okubundi abadôsa, erhi: «Ka kuyêmêrîrwe okujira kwinjà olwa-Sabato ahâli h’okujira kubî, okuciza obugumaguma b’omuntu ahâli h’okubuheza?» Nabo banacibà dondo.

Luka 13:15

Nyakasane anacishuza, erhi: «Ezi ndyâlya! Ka ngasi muntu muli mwe arhahulusa enkafu erhi endogomi yâge omu lusiku lwa Sabato, aj’iyinywêsa?

Luka 17:14

Erhi ababona, ababwîra, erhi: «Mugendag’icîyêrekana emwa abadâhwa». Erhi bakola bali omu njira mpu bayije, banacifuma.

Luka 6:10

Anacibageza­ mwo amasù boshi, abwîra olya muntu, erhi: «Lambûla okuboko kwâwe». Akulambûla, n’okuboko kwâge kwafuma.

Yowane 9:7

Okubundi amubwîra, erhi: «Jaga ocîshuke omu iriba lya Silowe» kwo kuderha: orhumirwe. Gulya muhûrha gwagenda, gwacishuka gwanagaluka erhi gukola gwabona n’obwâlagale.

Barom 11:25

Nanga, bene wîrhu, ntalonza muhabe eri ihwe, nti lyo murhang’icîkubagira obushinganyanya bwinyu: baguma muli bene-Israheli bayôrha bali bagoma kuhika abapagani bayishe ntuliri.

2 Bakorinti 3:14

Ci obukengêre bwâbo bwatûha. Bulya kuhika olusiku lw’ene, nka basoma Endagâno ya mîra, olwôla lusîka ho lunacibà. Lurhasâg’ikûlwa, bulya, Kristu olurhenza.

Befezi 4:18

Obukengêre bwâbo buyunjwîre mwizimya, n’obuhwinja bw’omurhima gwâbo guhûsire bwarhumîre barhabona obuzîne bwa Nyamuzinda.

Befezi 4:26

Mukunire, ci murhajiraga câha: izûba lirhazikaga n’obukunizi bucimmugwêrhe.

Befezi 4:30

Mumanye murhajiraga Mûka Mutatagatîfu gwa Nyamuzinda burhè, ye wammuhiragakwo ecimanyîso c’olusiku lw’obucunguzi.

Bahabraniya 3:10

Kwo kwarhumire nnankunirira eri iburha, naderha, nti: Bali ba murhima gwa muhaba; barhishi enjira zâni.

Bahabraniya 3:17

Na bandi Nyamuzinda àkuniriraga myâka makumi anni? K’arhali balya bàjiraga ebyâha, bo na balya emirhumba yâbo yàlambikagwa omu irungu?

Bahabraniya 5:9

N’erhi àyûs’ibà mwimâna, àhinduka imerero ly’obucire bw’ensiku n’amango kuli balya boshi bamuyumva,

Mafulûlo 6:16

banabwîra entondo n’amabuye, mpu: «Murhurhogerekwo. murhufulike obusù bw’odahîre oku ntebe n’obukunizi bw’Omwâna-buzi!

Bacîranuzi 10:16

Bakanya, hagendirhenza emwâbo balya banyamuzinda b’ahandi, bashubikazikolera Nyakasane. Omurhima gwâge gwanacibona obwonjo bwenêne kuli okwo kubengera kw’Israheli.

1 Samweli 20:34

Yônatani ayimuka kulya cîbo analubire bwenêne, arhalyaga cici mw’olwo lusiku lwa kabirhi lw’okubaluka kw’omwêzi; n’ecarhumaga kwàli kufà Daudi mungo, bulya îshe akola amuhigire.