Marko 3:24 - BIBLIYA NTAGATIFU OMU MASHI

²⁴ Erhi obwâmi bwankacigomera bwônene, obwo bwâmi burhankaciyimanga.

Marko 3:24 ပူးပေါင်းရင်းမြစ်များ

2 Samweli 20:1

Ahôla hali muntu muguma w’omurhima mumînya, izîno lyâge ye Sheba mwene Bikiri w’omu bûko bwa Benyamini, anacibûha omushekera ahamagaza erhi: «Ntà bushangire rhwankabà na Daudi, ntâbyo rhushangîra na mwene Yese. Ngasi muguma abêre omu mwâge, bene Israheli weee!»

2 Samweli 20:6

Okubundi Daudi anacibwîra Abishayi, erhi: «Sheba mwene Bikiri yekôla muzibu kulusha Absalomu. W’oyo orhôle engabo ya Nnawinyu, okanye omushimbûlire oku arhacihika omu mirhundu mizibuzibu na ntyo obone amarhufuma.»

Ezekiyeli 37:22

Nâbajira bene ishanja liguma omu cihugo, omu ntondo z’Israheli, na mwâmi muguma ye wâbà mwâmi wâbo boshi, barhâcibe mashanja abirhi, barhâcigabanyikanemwo mâmi abirhi.

Zakariya 11:14

Okubundi nanacivuna kalya kandi karhi, ak’obuguma, lyo mvuna ecinyabugumà ekarhî k’abantu ba Yûda na bene Israheli.

Mateyo 12:25

Yezu erhi acimanya enkengêro zâbo, ababwîra, erhi: «Ngasi bwâmi buciberamwo, kukulumba bukulumba; na ntà cishagala erhi nyumpa ecibeziremwo eyimanga.

Marko 3:23

Erhi abà amabahamagala, anacibabwîra, omu migani, erhi: «Kurhi shetani ankalibirhakwo Shetani?

Marko 3:25

N’erhi enyumpa yakacilwîsa yonene, eyo nyumpa erhankaciyimanga.

Yowane 17:21

Boshi babè muguma. Nk’oku we, Larha, oli muli nie nâni nkulimwo, nabo babè muguma muli rhwe, lyo igulu liyêmêra oku we wa­ntumaga.