Marko 2:8 - BIBLIYA NTAGATIFU OMU MASHI

⁸ Ho na halya Yezu amanya omu murhima gwâge oku badwîrhe barhimanya ntyo; anacibabwîra, erhi: «Cirhumire mukengêra ntyo omu mirhima yinyu?

Marko 2:8 ပူးပေါင်းရင်းမြစ်များ

1 Nganîro 29:17

Yâgirwa, Nyamuzinda wâni, mmanyire oku onalole e nkengêro zîrhu nfulike, n’oku orhahimwa kurhonya obushinganyanya; obwîne oku murhima gw’okunali narhûziremwo buzira kusêzibwa na ndi obuhirhi bwâni, nanabwîne ene oku olu lubaga lwâwe lucîgushire hano nalwo lwajira ntyo n’obushagaluke bunene.

Ennanga 139:2

Ntamîre, nyimanzire, orhahabiri, enkengêro zâni oku ziciri kulî, erhi okola ozimanyire;

Migani 15:26

Nyakasane ashômba emihigo y’obulyâlya ci akanwa kinjà, kalya k’obukenge, kurhonya akarhonya.

Migani 24:9

Omuhwinja arhalôrha ebirhali bibî, n’omugambanyi, abandi barhamubâkwo.

Izaya 55:7

Omubî aleke okwâge, na nyankola-maligo akabulire enkengêro zâge, agaluke emwa Nyakasane, naye amubabalira, agaluke emwa Nyamuzinda wîrhu, bulya abà wa bwonjo bunji.

Ezekiyeli 38:10

Ntyâla kwo adesire Nyakasane Nyamubâho, erhi: «Muli ago mango wâbà na nkengêro nyinji emurhima, onarhole emihigo mibî.

Mateyo 12:15

Erhi Yezu acimanya, arhenga aho, na bantu banji bamushimba, anabafumya boshi.

Mateyo 16:7

Nabo bakengêra banacîbwîra bône na bône, mpu: «Bulya rhurhadwîrhi migati».

Mateyo 9:4

Naye Yezu erhi acîbona enkengêro zâbo, aderha, erhi: «Bici mudwîrhe mwakengêrera amabî omu mirhima yinyu?

Marko 2:7

«Cirhumire oyu aderha ntyo? Alogosire emwa Nyamuzinda! Ka hali owankarhenza ebyâha arhanali Nnâmahanga yênene?»

Marko 2:9

“Kuci kulembu kulusha, okubwîra ohozir’enjingo, erhi”: “ebyâha byâwe byamârhenzibwa”, “erhi okumubwîra, erhi”: “yimuka, oyanke encingo yâwe, olambagire?”

Marko 7:21

“Bulya omu muntu”, “omu murhima gwâge mwo murhenga enkengêro mbî”: “obugonyi, obushambo, okuyîrha”,

Luka 24:38

Anacibabwîra, erhi: «Cirhumire muyôboha n’e­ntanya zimmuja emurhima?

Luka 5:22

Yezu abona enkengêro zâbo, abashuza, erhi: «Cirhumire mukengêra ntyo omu mirhima yinyu?

Luka 6:8

Ci yêhe erhi amanyire entimarhima zâbo. Anacibwîra olya muntu obozire okuboko, erhi: «Yimuka, oj’ekarhî». Anaciyimuka, ayimanga.

Yowane 21:17

Amudôsa obwa kasharhu, erhi: «Simoni, mwene Yowane, k’onzigira?» Petro alumwa erhi ayumva amudôsa kasharhu, erhi «K’onzigira?» Anacimubwîra, erhi: «Yâgirwa, oyishi byoshi, orhahabiri oku nkuzigira». Yezu amubwîra, erhi: «Yabula ebibuzi byâni».

Yowane 6:64

Ci muli mwe muli abarhayêmîri». Kurhenga omurhondêro erhi Yezu ayishi bandi barhayêmêraga na ndi wâmulenganye.

Ebijiro 5:3

Petro anacimubwîra, erhi: «Ananiya, cirhumire Shetani akuyanka omurhima, anakushumika mpu onywêrhere Mûka Mutagatîfu onayôrhane ecigabi c’engulo y’ishwa lyâwe?

Ebijiro 8:22

Ocîyunjuzagye kw’obwo bubî bwâwe, onashenge Nyamuzinda: kwankanabà akurhenza ezo nkengêro omu murhima.

Bahabraniya 4:13

Na ntà ciremwa ciru n’eciguma cirhabonwa na Nyamuzinda: byoshi byoshi bilangashîne binafulwîrwe omu masù g’Oyo wârhubûlanye kw’ebi rhwa­jizire.

Mafulûlo 2:23

N’abâna bâge boshi nâbayirha, bafè; ntyo Ekleziya zoshi zimanye oku nie Nyamuzinda oyishi ebiri omu nsiko n’omu mirhima; nanayish’ilyûla ngasi muguma muli mwe nk’oku ebijiro byâge binakwânîne.