Marko 16:15 - BIBLIYA NTAGATIFU OMU MASHI

¹⁵ Anacibabwîra, erhi: «Mugende omu igulu lyoshi, muyigîrize ngasi ciremwa Emyanzi y’Akalembe.

Marko 16:15 ပူးပေါင်းရင်းမြစ်များ

Ennanga 22:27

Abakenyi nabo bâlya banayîgurhe, n’abalongereza Nyakasane, kukuza bâmukuza, emirhima yâbo elame ensiku n’amango.

Ennanga 96:3

Irenge lyâge muliganîre omu karhî k’ab’emahanga, n’ebi ajizire by’okurhangâza mubimanyîse omu mashanja goshi.

Ennanga 98:3

Akengêra obwinjà bwâge n’obudahemuka bwâge, kuli bene-Israheli. Igulu lyoshi aha litanga n’aha liramuka, lyabona okuciza kwa Nnâmahanga wîrhu.

Izaya 45:22

Muyêrekerage emunda ndi, lyo mucira mwe bihugo byoshi by’en’igulu! Bulya nie Nyamuzinda, ntà wundi!

Izaya 49:6

Aderha, erhi: «Kuli kunyi okukujira murhumisi wâni, nti ogend’iyimanza amashanja ga Yakôbo, onagend’igalula abàfumire olufù, muli bene-Israheli. Nkujizire kamole k’amashanja, lyo olumîza obucunguzi bwâni kuhika ebuzinda bw’igulu!.»

Izaya 52:10

Nyakasane abwîkwîre okuboko kwâge kutagatîfu embere z’amashanja goshi, n’ebihugo byoshi by’ebuzinda bw’igulu byabwîne obucire bwa Nyamuzinda wîrhu.

Mateyo 28:19

Gendagi, muyigîrize abantu b’amashanja goshi, mu­babatize oku izîno ly’Îshe n’Omugala na Mûka Mutagatîfu.

Marko 13:10

“Emyanzi y’Akalembe yarhang’iyish’iyigîrizibwa omu mashanja goshi”.

Yowane 15:16

“Arhali mwe mwacînyishogaga, ci nie nacîmmwishogaga, nammuyimanza nti mugende, muyâne amalehe, n’amalehe ginyu gabêreho, lyo Larha ammushobôza ngasi kantu mwâmusengere oku izîno lyâni”.

Yowane 20:21

Yezu ashub’ibabwîra, erhi: «Omurhûla muli mwe! Nk’oku Larha antumaga, nâni mmurhumire».

Ebijiro 1:2

kuhika olusiku arheremeraga empingu, erhi amâyûs’iyigîriza Entumwa acîshogaga n’omunwe gwa Mûka Mutagatîfu.

Ebijiro 1:8

ci Mûka Mutagatîfu ammuyandagalira, ammuhè n’emisî y’enyanya; na ntyo mubè bahamîrizi bâni omu Yeruzalemu, n’omu Yudeya yoshi, n’omu Samâriya, na kuhika aha igulu lihekera»,

Barom 10:18

Ci nâni ndôsize: «Ka barhayumvagya?» Nêci mâshi! Ciru n’izù lyâbo lyayumvîkîne omu igulu lyoshi, n’enderho zâbo zahisire ngasi habà muntu.

Barom 16:26

Ci lêro buno likola limanyîkîne, n’oku bulonza bwa Nnâmahanga oyôrha abâho emyâka n’emyâka, oku burhabâle bw’amandiko g’abalêbi, lyahisire omu mashanja goshi mpu balimanye, lyo bashimba enjira y’obuyêmêre.

Befezi 2:17

Anaciyish’ihubuliza omurhûla kuli mwe, mwe mwâli kulî, n’obuholo kuli balya bâli hôfi.

Bakolosi 1:23

caziga musêre buzibu omu buyêmêre, mumere emizî, mukomere munabè ntadungagana omu bulangâlire bw’Emyanzi y’Akalembe mwayumvagya; eyo Myanzi y’Akalembe yayigîrizîbwe ngasi ciremwa cibà en’igulu, hano idako ly’amalunga, nâni, nie Paolo, nahindusire mujà-bugo wayo.

Bakolosi 1:6

eyo Myanzi y’Akalembe yahisire emwinyu nk’oku yalumîre omu igulu lyoshi: yayâna emburho yanagandâza. Emwinyu nayo kwo na kwo, kurhenga lulya lusiku mwayumvagya mwanamanya enshôkano ya Nyamuzinda nk’oku enali,

1 Yowane 4:14

Na nîrhu rhwono rhwabwîne, rhunahamîrize oku Nyamuzinda Îshe arhumîre Omugala mpu abè Muciza w’igulu.

Mafulûlo 14:6

Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja.