Marko 16:14 - BIBLIYA NTAGATIFU OMU MASHI

¹⁴ Buzinda abonekera balya ikumi na muguma, erhi badwîrhe balya. Abakalihira erhi kubula buyêmêre kwâbo kurhuma n’oku buzibu bw’emirhima yâbo bw’okurhayêmêra balya bamubwîne afûsire.

Marko 16:14 ပူးပေါင်းရင်းမြစ်များ

Mibalè 14:11

Nyamubâho anacibwîra Mûsa, erhi: «Kuhika mangaci erhi lwanabula okunyêmêra n’obwôla ludwîrhe lwabona ebisômerîne ndwîrhe najira ekarhî kâbo.

Mateyo 11:20

Lêro arhondêra akalihira ebishagala ajiziremwo ebisômerîne binji, erhi kurhacîyunjuza kurhuma:

Mateyo 17:20

Yezu anacibabwîra, erhi: «Kubula bwêmêre kwinyu kwarhumire. “Mmubwîre okuli, nka mugwêrhe obwêmêre buli nka mogomogo ya sinapi”, “mwanabwîra eyi ntondo, erhi”: “Rheng’aha”, “ojè hala”; “enagende, na ntâco cankammuyabira”». [

Mateyo 28:17

Erhi bamubona, bamuharâmya; ci baguma barhindira.

Marko 7:18

Naye ababwîra, erhi: «Aye! kuziga ninyu ntà bukengêre mugwêrhe kuhika ene! Ka murhayumvîrhi oku ebirhenga embuga, bikaja omu muntu, birhankamuzinza;

Luka 24:11

Ci ebyo binwa babilola nka by’isirhe, barhanabiyêmêraga.

Luka 24:25

Obwo anacibabwîra, erhi: «Abà bahwi­njà n’ab’emirhima mizibu oku kuyêmêra ebyaderhagwa n’Abalêbi!

Yowane 20:25

Abandi baganda bamubwîra, mpu: «Rhwabwîne Nyakasane!» Naye abashuza, erhi: «Nkaba ntabwîni emirhule y’erya migera omu nfune zâge, nkaba ntafundiri omunwe gwâni omu bibande by’emisumari, na nkaba ntahumiri niene omu lubavu lwâge, ntayêmêre».

Yowane 20:26

Erhi kugera nsiku munâni, abaganda bâli kandi omu nyumpa na Toma haguma nabo. Yezu apamuka erhi n’enyumvi zoshi ziri mpamike; abayimanga ekarhî, erhi: «Omurhûla muli mwe!»

Yowane 20:27

Anacibwîra Toma, erhi: «Funda omunwe gwâwe omu: lolà enfune zâni; lêrha okuboko kwâwe, okuhire omu lubavu lwâni; orhanacibaga mubula­-buyêmêre, ci obè mwemêzi».

Yowane 21:1

Enyuma z’aho, Yezu ashub’ibonekera abaganda bâge eburhambi bw’e­ nyanja y’e Tiberiyadi. Alagi oku ababonekeraga.

Yowane 21:14

Bwo bwàli bwa kasharhu obwo Yezu abonekera abaganda bâge kurhenga afûka omu bafù.

Ebijiro 1:3

N’erhi ayûs’ibabala, kandi bo acîyêresire oku azîne omu kubahà bimanyîso binji; ajira nsiku makumi anni ababonekera anabashambâlira eby’O­bwâmi bwa Nnâmahanga.

1 Bakorinti 15:5

n’oku àbonekîre Kefa, abul’ibonekera na balya ikumi na babiri.

Mafulûlo 3:19

Niehe abansîma bo nkalihira, bo nampana. Omalage obushiru onacîyunjuze!