Marko 13:6 - BIBLIYA NTAGATIFU OMU MASHI

⁶ “Banji bayishe oku izîno lyâni, baderhe, mpu”: “Nie (Kristu)”, “banarhebe bantu banji”.

Marko 13:6 ပူးပေါင်းရင်းမြစ်များ

Yeremiya 14:14

Oku bundi Nyakasane àmbwîra, erhi: «bunywesi obwôla abo balêbi badwîrhe baderha oku izîno lyâni; ntabarhumaga na ntâco nabarhegesire, ciru ntababwîraga akanwa. Badwîrhe bamubwîra mpu babonekîrwe n’obwo kubêsha, mpu bamulêbera n’obwo bya busha, bilôrho byâbo bône».

Mateyo 24:11

“Abalêbi b’obunywesi babè banji banarhebe bantu banji.

Mateyo 24:5

“Bulya banji bâyishe oku izîno lyâni, baderhe, mpu: ‘Nie Kristu’, banarhebe banji”.

Marko 13:22

“Bulya bayish’iyisha ba-Kristu b’obwîhambi n’abalêbi b’obunywesi banji, banayish’ijira ebimanyîso n’ebirhangâzo mpu barhebe ciru n’abîshogwa acibà kwankahashikana”.

Marko 13:5

Okubundi Yezu arhondêra ababwîra, erhi: «Mumanye ntâye oyishig’i­ mmurheba.

Marko 13:7

“Amango mwâyumve baderha ebîrha n’emihigo y’ebîrha, murhayôbohaga; bulya kukwânîne ebyo birhang’iyisha, ci obuzinda erhi burhaciba”.

Yowane 5:43

“Nayishire oku izîno lya Larha, murhananyankiriraga; erhi owundi ankacirhuma yênene, oyo mwanamuyankirira”.

Yowane 8:24

“Nammubwîzire nti mwafâna ebyâha binyu. Nêci, akabà murhayêmîri oku nie Nyamubâho, mwafâna ebyâha binyu”».

Yowane 8:28

Obwo Yezu anacibabwîra, erhi: «Amango mwayinamula Mwene-omuntu, lyo mwamanya oku nie Nyamubâho n’oku ntâco njira oku bwâni bwâni; ebi Larha anyigîrizize byo nderha,

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.