Marko 13:5 - BIBLIYA NTAGATIFU OMU MASHI

⁵ Okubundi Yezu arhondêra ababwîra, erhi: «Mumanye ntâye oyishig’i­ mmurheba.

Marko 13:5 ပူးပေါင်းရင်းမြစ်များ

Yeremiya 29:8

“Bulyâla kwo adesire ntya Nyakasane w’Emirhwe, Nyamuzinda w’Israheli: murhahabulagwa n’abalêbi bali ekarhî kinyu nîsi abashonga binyu: murhayumvagya ebilôrho mudwîrhe mwalôrha”.

Marko 13:4

«Orhubwîre mangaci okwo kwâbè n’e­câbè cimanyîso oku ebyo byoshi biri hôfi».

Marko 13:6

“Banji bayishe oku izîno lyâni, baderhe, mpu”: “Nie (Kristu)”, “banarhebe bantu banji”.

Luka 21:8

Naye, erhi: «Mumanye murhârhebwa, bulya banji banayishe oku izîno lyâni, bâderhe, mpu: “Nie (Kristu)”, “mpu na amango gahisire!” “Mumanye murhabakulikiraga”.

1 Bakorinti 15:33

Mumanye murharhebagwa: «Okukômera ababî kunasherêze engeso nyinjà».

Befezi 5:6

Harhajiraga owammurheba n’ebinwa by’obunywesi: ebyo byo bihamagala obukunizi bwa Nyamuzinda oku bamugomera.

Bakolosi 2:8

Mumanye hankanajira owammujira bajà n’obwengûza bw’efilozofiya y’obunywesi, erya eyegemêra emigenzo y’abantu n’ebiremwa by’en’igulu, ci arhali Kristu.

2 Tesalonika 2:3

Ntâkwo muzigage omuntu arnmurheba. Burhanzi kukwânîne obugomi buyishe n’Omubî acibishûle, gwo Muhera,

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.