Marko 13:10 - BIBLIYA NTAGATIFU OMU MASHI

¹⁰ “Emyanzi y’Akalembe yarhang’iyish’iyigîrizibwa omu mashanja goshi”.

Marko 13:10 ပူးပေါင်းရင်းမြစ်များ

Mateyo 12:41

“Abantu b’e Ninive bayish’ijà omu lubanja n’er’iburha, banaliyagîrize, bulya bacîyunjuzize erhi Yônà abayigîriza, na olushire Yônà, y’ono oli hano!”

Mateyo 24:14

“Eyi Myanzi minjà y’Obwâmi yayish’ihanûlwa omu igulu lyoshi, ebè cimanyîso oku mashanja goshi. Obwo lyo olusiku luzinda lwâyishe”».

Marko 16:15

Anacibabwîra, erhi: «Mugende omu igulu lyoshi, muyigîrize ngasi ciremwa Emyanzi y’Akalembe.

Barom 1:8

Burhanzi mvunzire Nyamuzinda wâni omunkwa muli Yezu Kristu erhi mwe murhuma mweshi, bulya obuyêmêre bwinyu bwadesirwe omu igulu lyoshi.

Barom 10:18

Ci nâni ndôsize: «Ka barhayumvagya?» Nêci mâshi! Ciru n’izù lyâbo lyayumvîkîne omu igulu lyoshi, n’enderho zâbo zahisire ngasi habà muntu.

Barom 15:19

oku buhashe bw’ebimanyîso n’ebisômerîne, n’oku buhashe bwa Mûka gwa Nyamuzinda. Ntyôla kwo nalumîzize Emyanzi y’Akalembe ya Kristu kurhenga e Yeruzalemu kuhika e Iliriya.

Bakolosi 1:23

caziga musêre buzibu omu buyêmêre, mumere emizî, mukomere munabè ntadungagana omu bulangâlire bw’Emyanzi y’Akalembe mwayumvagya; eyo Myanzi y’Akalembe yayigîrizîbwe ngasi ciremwa cibà en’igulu, hano idako ly’amalunga, nâni, nie Paolo, nahindusire mujà-bugo wayo.

Bakolosi 1:6

eyo Myanzi y’Akalembe yahisire emwinyu nk’oku yalumîre omu igulu lyoshi: yayâna emburho yanagandâza. Emwinyu nayo kwo na kwo, kurhenga lulya lusiku mwayumvagya mwanamanya enshôkano ya Nyamuzinda nk’oku enali,

Mafulûlo 14:6

Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja.