Marko 12:35 - BIBLIYA NTAGATIFU OMU MASHI

³⁵ Erhi abà adwîrhe ayigîriza omu ka-Nyamuzinda, Yezu anaciderha, erhi: «Kurhi abashamuka b’ihano baderha mpu Kristu ali mwene Daudi?

Marko 12:35 ပူးပေါင်းရင်းမြစ်များ

Mateyo 26:55

Yezu anacibwîra zirya ngabo, erhi: «Ewe, kurhi kuno muyishire nka bantu bashimbire ecishungu, muhêrhe engôrho n’amahiri, mul’ingwârha? Ngasi lusiku nakâg’iyigîriza omu ka-Nyamuzinda, murhanangwârhaga».

Mateyo 9:27

Erhi Yezu acirhenga aho, mihûrha ibiri yamushimba, yayisha yahamagala yanaderha erhi: «Mwene Daudi mâshi orhubêre obwonjo!»

Marko 10:1

Erhi arhenga eyo munda, ajà omu lya Yûda, ishiriza lya Yordani. Engabo y’abantu yashub’imulundûkira; abayigîriza nk’oku anayôrhera.

Marko 11:27

Bashub’ijà e Yeruzalemu. Erhi abà adwîrhe alambagira omu ka-Nyamuzinda, abakulu b’abadâhwa, abashamuka b’ihano n’abagula b’olubaga bamujaho,

Marko 14:49

Ngasi lusiku nali ninyu nayigîriza omu ka-Nyamuzinda, murhanangwârhaga. Ci okwo kwoshi mpu lyo Amandiko gayunjula».

Luka 19:47

Akayigîriza ngasi lusiku omu ka-Nyamuzinda. Abajinji b’abadâhwa n’abashamuka b’ihano n’abarhambo b’olubaga bakâlonza oku bamuyîrhamwo,

Luka 20:1

Lusiku luguma anacibà adwîrhe ayigîriza omu ka-Nyamuzinda anahanûla Emyanzi y’Akalembe, abajinji, b’abadâhwa n’abashamuka b’ihano n’abagula bw’olubaga bayisha.

Luka 21:37

Mûshi, akâg’iyigîriza omu ka-Nyamuzinda; ci erhi kwabaga bijingo, akagend’iyiza obudufu bwoshi oku ntondo ederhwa ntondo y’Emizêti.

Yowane 18:20

Yezu amushuza, erhi: «Nayigîrizize igulu n’obwâlagale; ensiku zoshi nahanwîre omu sinagogi n’omu ka-Nyamuzinda, mwo Abayahudi barhigânana, na ntâco nadesire bufundafunda.

Yowane 7:42

K'Amandiko garhadesiri mpu omu bûko bwa Daudi, omu lugo lw’e Betelehemu Kristu anârhenge?»