Marko 12:2 - BIBLIYA NTAGATIFU OMU MASHI

² “Erhi amango gahika, arhuma omwambali mpu abahinzi bamuhè eyâge mizâbîbu”.

Marko 12:2 ပူးပေါင်းရင်းမြစ်များ

2 Bâm 17:13

Nyamuzinda ayumvîsa okwôla omw’Israheli n’omu Yûda, aderha omu kanwa k’abalêbi, erhi: «Murhenge muli ezôla njira zinyu ngalugalu, mushimbe amarhegeko gâni n’akanwa kâni nka kulya narhegekaga ababusi binyu, na nka okûla nshubir’ibabwirakwo omu binwa bya abalêbi bâni».

2 Nganîro 36:15

Nyamubâho, Nyamuzinda wa b’îshe akazâgibarhonda n’akanwa k’entumwa zâge, akaziyôrha abarhonda ntyôla n’embere, na kanjikanji, ebwa kubà ali babalire olubaga lwâge n’enyumpa yâge.

Ezra 9:11

Bulya rhwalekêrîre amarhegeko warhuhâga omu kanwa k’abalêbi, wanarhukomêreza, erhi: Eco cihugo mwajamwo mpu mugend’iciyimamwo, ciri cihugo ca mabî, mabî g’amashanja na ngasi bulyâlya bunabalimwo, kurhenga olunda n’olundi erhi na mabî gâbo gônene.

Ennanga 1:3

Kwo agandâza nka murhi gumezire aha cikunguzo c’olwîshi, guyêrakwo emburho amango gâgwo, gunayôrha guyinjihire. Na ngasi hyoshi ajira kubêra himubêra.

Yeremiya 35:15

Namurhumîre buzira kurhama na kanji kanji bambali bâni b’abalêbi boshi, nti bamubwîre mugaluke, ngasi muguma arhenge omu njira yâge mbî, nti muyinjihye ebijiro binyu, murhashimbaga bandi banyamuzinda mpu mubakolere: ago mango, mwanabêra omu cihugo namuhîre mweshi na basho. Ci­ kwône murharhegaga okurhwiri, murhanyumvagya.

Yeremiya 44:4

Buzira kurhama, namurhumire bambali bâni n’abalêbi, nabarhuma nti baderhe, mpu: Murhajiraga ebyo bikabulirwa, ntabikwîrirwa.

Mikeyo 7:1

Namâlagîrira! bulya kwo nkola ndi nk’owahumbûlaga amalehe canda, nka malehe ga mizâbîbu gàhumbûlagwa enyuma ly’okusârûla; ntà cihadu cankacirîbwa, ciru mpâga irehe ly’omutini ndi nacifinja!

Zakariya 7:7

Ka murhamanyiri ebinwa Nyakasane ayalizagya omu kanwa k’abalêbi ba mîra, amango abantu b’e Yeruzalemu n’ab’omu bishagala by’eburhambi erhi balamire omu murhûla, n’ago mango erhi Negêbu n’ecibandâna biyûbasirwemwo n’abantu.

Mateyo 21:34

Erhi amango g’okurhalika gacibà hôfi, arhuma bambali bâge emw’abahinzi, mpu bayanke emizâbîbu yâge.

Marko 12:1

Obwo arhondêra okubabwîra omu migani: «Muntu muguma anacihinga olukoma lw’emizâbîbu, aluyûbakira olugurhu, ahebamwo omukenzi, agwîkamwo omutungo; okubundi alusigira abahinzi, acîbalamira.

Marko 12:3

“Bôhe banacimugwârha, bamushûrha, bamulîka maboko mûmu”.

Luka 12:48

“Naye owakozire ebikwânîne okushûrhirwa, ci arhamanyaga, ayish’inyulikwa, ci arhali bwenêne”. “Ngasi wahîrwe binji, ayish’idôsibwa binji, na ngasi wabîsîzwe binji, ayish’ilyuzibwa kulu­sha”».

Luka 20:10

“Erhi amango gahika, arhuma omwambali emwa bahinzi mpu ahâbwe naye oku mburho y’emizâbîbu. Balya bahinzi bamushûrha banamushugunuka­ kwo maboko mûmu”.

Bahabraniya 1:1

Kanji kanji n’omu njira za ngasi lubero, mîra, Nyamuzinda akolêsize abalêbi mpu amanyîse bashakulûza akanwa kâge.