Marko 10:5 - BIBLIYA NTAGATIFU OMU MASHI

⁵ Yezu abashuza, erhi: «Buzibu bwa mirhima yinyu bwarhumire Mûsa ammujirira eryo irhegeko.

Marko 10:5 ပူးပေါင်းရင်းမြစ်များ

Nehemiya 9:26

Ci kandi babà bagoma banacihindula kuli we, oburhegesi bwâwe, babuhira enyuma ly’omugongo gwâbo, bayîrha abalêbi bâwe bakazâg’imanyîsabo obuhamîrizi bwâwe mpu lyo babahêka emunda oli, banajira agandi mabî manji

Mateyo 19:8

Ababwîra, erhi: «Buzibu bw’emirhima yinyu bwarhumire Mûsa ammuyêmêrera mpu muhuluse bakinywi; ci kurhàli ntyo burhanzi.

Ebijiro 7:51

«Mwe bacikanyi-cirhagomba, aga marhwiri n’emirhima erhakembûlagwa, muyôrha mulahira okuyumva Mûka Mutagatîfu! Kulya basho bâli kwo munali ninyu!

Lushika 24:1

Omulume ashebe omukazi anajè omu buhya ci kwône olya mukazi ashombekane omu masù ga nyamulume, bulyâla amatumula bubî bulebe, olya mulume anamuyandikira ecêrhè c’okuvuna obuhya, amufumbike co anamuhuluse arhenge aha mwâge.

Lushika 31:27

“Bulya ntahabiri isîna lyâwe n’oku ôbà cikanyi cirhagomba, erhi mugomera Nyamuzinda ene nancizîne ndi haguma ninyu, kurhi rnwayishijira amango nâbà nafîre”».

Lushika 9:6

Omanyage ene oku arhali bugula bwâwe burhumire Nyamubâho, Nyamuzinda wâwe akuhà ecîra cihugo cinjà ntya mpu cibè câwe: bulyâlya ôbà lubaga lwa cikanyi cirhagomba.