Marko 10:1 - BIBLIYA NTAGATIFU OMU MASHI

¹ Erhi arhenga eyo munda, ajà omu lya Yûda, ishiriza lya Yordani. Engabo y’abantu yashub’imulundûkira; abayigîriza nk’oku anayôrhera.

Marko 10:1 ပူးပေါင်းရင်းမြစ်များ

Muhanûzi 12:9

Kurhaderhwa kwôhe oku Koheleti àli murhimanya, ci kandi ayigîrize obumanye; ayanka ahira oku munzâni, agerekanya anakubûla migani minji.

Yeremiya 32:33

“Banyêrekeza omugongo banfulika obusù bwâbo, n’erhi mbahugûla, ntâye wantezire amarhwîri mpu ciru ayumve ebi ndwîrhe nabahanûla”.

Mateyo 26:55

Yezu anacibwîra zirya ngabo, erhi: «Ewe, kurhi kuno muyishire nka bantu bashimbire ecishungu, muhêrhe engôrho n’amahiri, mul’ingwârha? Ngasi lusiku nakâg’iyigîriza omu ka-Nyamuzinda, murhanangwârhaga».

Mateyo 4:23

Obwo Yezu agera omu Galileya yoshi aj’ayigîriza omu masinagogi gâbo n’okuhanûla Emyanzi minjà y’Obwâmi, anaj’afumya ngasi ndwâla na ngasi buzamba bwàli omu lubaga.

Marko 1:21

Erhi bahika omu cishagala c’e Kafarnaumu, ayirukira ajà omu sinagogi olwa Sabato, arhondêra ayigîriza.

Marko 10:2

Abafarizeyi banacimujaho; bamudôsa kwa kumurhangula, mpu: «Ka kuyêmêrîrwe omuntu ahuluse mukâge?»

Marko 12:35

Erhi abà adwîrhe ayigîriza omu ka-Nyamuzinda, Yezu anaciderha, erhi: «Kurhi abashamuka b’ihano baderha mpu Kristu ali mwene Daudi?

Marko 14:49

Ngasi lusiku nali ninyu nayigîriza omu ka-Nyamuzinda, murhanangwârhaga. Ci okwo kwoshi mpu lyo Amandiko gayunjula».

Marko 2:13

Anaciyimuka, ashub’ijà ebwa nyanja. Engabo y’abantu yamushimba, naye akabayigîriza.

Marko 4:2

Abayigîriza binji omu migani, anabà­bwîra omu nyigîrizo zâge, erhi:

Marko 6:2

Erhi kubà lwa Sabato, arhondêr’ayigîriza omu sinagogi; na banji, erhi bamuyumva, basômerwa banakâderha, mpu: «Ngahi amâkûla okwo kwoshi? N’obu bwenge boshi agwêrhe n’ebirhangâzo bidwîrhe byajirwa n’amaboko gâge?

Marko 6:34

Erhi Yezu arhenga omu bwârho, abona engabo y’abantu, obwonjo bwâbo bwamugwârha, bulya bâli nka busô burhagwêrhi mungere: arhondêra okubayigîriza binji.

Marko 6:6

Okubula obuyêmêre kwâbo kwamusômera. Anacij’ageragera omu bishagala by’eburhambi, aj’ayigîriza.

Yowane 10:40

Ashub’icîjîra ishiriza lya Yordani, emunda Yowane akâg’ibatiziza, anayibêra.

Yowane 11:7

Okubu­ ndi abwîra abaganda bâge, erhi: «Rhujè e Yudeya».

Yowane 18:20

Yezu amushuza, erhi: «Nayigîrizize igulu n’obwâlagale; ensiku zoshi nahanwîre omu sinagogi n’omu ka-Nyamuzinda, mwo Abayahudi barhigânana, na ntâco nadesire bufundafunda.