Marko 1:25 - BIBLIYA NTAGATIFU OMU MASHI

²⁵ Okubundi Yezu anacimukankamira, amubwîra, erhi: «Hulika, onarhengemw’oyu muntu».

Marko 1:25 ပူးပေါင်းရင်းမြစ်များ

Ennanga 50:16

Enkola-maligo nayo kwo Nyamuzinda ayibwîzire, erhi: «cirhuma obwîra abandi amarhegeko gâni, cirhuma ebinwa by’endagâno yâni birhakurhenga ekanwa,

Mateyo 9:30

N’amasù gâbo ganacihûrhûka. Yezu abakomêreza anababwîra, erhi: «Mumanye, murhabwîraga ndi!»

Marko 1:24

Anaciyâkûza, aderha, erhi: «Cici rhufânwa nâwe, ewani Yezu w’e Nazareti? Kali wayishire mpu orhuheze? Nkumanyire we ndi: Mutagatîfu wa Nnâmahanga».

Marko 1:26

Olya shetani mubî anacizunguza olya muntu, ayâma n’izù linene, amurhengamwo.

Marko 1:34

Afumya banji bâli bagwêrhwe n’obuzamba bwa ngasi lubero, analibirhakwo bashetani banji; ci ahanza abashetani okuderha, bulya bâli bamanyire ali ndi.

Marko 9:25

Yezu erhi abona olubaga lulundumana, akankamira olya muzî­mu mubî, anamubwîra, erhi: «We muzimu kaduma na cihuli, nkurhegesire omurhengemwo, orhanacihîra okamushubiriramwo».

Luka 4:35

Yezu anacimukankamira, erhi: «Hulika, onarhengemw’oyu muntu». Olya shetani anacimurhimba ahanshi embere z’abantu boshi, amurhengamwo buzira kumubabaza.

Luka 4:41

Abà­shetani bakarhengamwo banji, bakâyâma banaderha, mpu: «We Mwene-Nyamuzinda!» Ci akabakankamira n’okubahanza okuderha, bulya bâli bamanyire oku ye Kristu.

Ebijiro 16:17

Anacirhukulikira, Paolo na nîrhu, ajà ayâma anaderha, erhi: «Abà bantu bali bambali ba Nyamuzinda w’enyanya bwenêne; badwîrhe bamuyigîriza enjira y’obucire».