Malakiya 2:6 - BIBLIYA NTAGATIFU OMU MASHI

⁶ Barhaderhaga ezirhali nyigîrizo z’okuli, ntà cinwa ca bunywesi bàdesire. Bàlamire omu kuyumvanya bwenêne haguma nâni, omu bushinganyanya, bànarhuma bantu banji baleka lwoshi lwoshi okujira amabî.

Malakiya 2:6 ပူးပေါင်းရင်းမြစ်များ

Murhondêro 17:1

Abramu erhi ajira myâka makumi gali mwenda, Nyamubâho amubonekera amubwîra, erhi: «Nie El-Shadayi, Nyamuzinda Ogala-byoshi, olambagire embere zâni onayôrhe mwimâna.

Murhondêro 6:9

Olwa Nûhu luno. Nûhu ali muntu mushinganyanya na mwîrhonzi omu bantu b’amango gâge analikulikîre Nyakasane.

Ennanga 119:142

Obushinganyanya bwâwe bubà bw’ensiku n’amango, n’irhegeko lyâwe libà lizibuzibu, lirhahuligana.

Ennanga 119:151

Nyakasane wêhe hôfi oli, n’amarhegeko gâwe gacibêra «mutabesha».

Ennanga 37:30

Akanwa k’omushinganyanya kurhimanya karhimanya, n’olulimi lwâge lurhaderha ebirhashinganini.

Ennanga 37:37

Orhang’ilola omuntu mwinjà, olâbe entagengwa, mulume nkana osiga enfula.

Migani 5:2

Ly’omanyilanga enkengêro zâwe, lyo n’akanwa kâwe kamanyibîka emyanzi, omukazi w’ecishungu orhahîra okamukonolera amasù.

Yeremiya 23:22

Acibâga bali bajire omu ihano lyâni, olubaga lwâni bali baluyumvîsa ebinwa byâni, bâli babagalula barhenge omu njira yâbo mbî, n’omu bubî bw’ebijiro byâbo.

Daniyeli 12:3

Abirhonzi bâyish’ilangala nka bumoleke bw’omu malunga, na balya bàmanyisize abandi enjira y’obushinganyanya bâyish’imoleka nka nyenyêzi z’oku nkuba ensiku n’amango.

Hozeya 4:6

Olubaga lwâni lufirire okubula obumanye. Bulya w’oyo wakabulire obumanye, nkolaga nakukaga omu budâhwa bwâni; wayibagîre e­ nyigîrizo za Nyamuzinda wâwe nkolaga nayibagira abâna bâwe.

Mateyo 22:16

Banacirhuma abaganda bâbo n’Abaherodi mpu bamubwîre, mpu: «Muyigîriza, rhuyishi oku oderha okuli n’oku enjira ya Nyamuzinda onayiyigîrize nka oku enali, orhanajira kabôlo kuli ndi, bulya orhalola ola ye ndi omu bantu.

Marko 12:14

Banaciyisha, bamubwîra, mpu: «Waliha Muyigîriza, rhuyishi oku oderha okuli n’oku orhajira kabôlo kuli ndi, bulya orhalola ola ye ndi omu bantu, ci enjira ya Nyamuzinda onayiyigîrize nk’oku enali. Ka kukwânîne rhukavurhira Sezari erhi nanga?»

Luka 1:6

Bombi bâli bashinganyanya embere za Nyamuzinda, banakâg’ishimba kwinjà amarhegeko ga Nnâmahanga goshi na ngasi byoshi biyandisirwe.

Luka 20:21

Banacimudôsa, mpu: «Ewe Mwigîriza, rhuyishi oku oderha onayigîriza eby’okunali, orhanalola cikono ca muntu, ci enjira ya Nyamuzinda onayiyigîrize nka oku enali.

Ebijiro 26:18

lyo obahûrhûla amasù, barhenge omu mwizimya, bajè ebwa bulangale, baleke okushiga shetani, bashige Nnâmahanga; na ntyo, obuyêmêre banyêmêra burhuma, bababalirwe ebyâha byâbo banashobôle okuyish’iyîma haguma n’abatagatîfu.

Lushika 33:10

Banayigîrize Yakôbo engeso zâwe, na Israheli Olushika lwâwe. Banasôkeze omugî emund’oli, badêkereze n’enterekêro oku luhêrero lwâwe.

Lushika 33:8

Kuli Levi, aderha, erhi: Ohè Levi e «Urimu» zâwe, n’e «Tumimu» zâwe, ozihe olya muntu wababaliraga, wamanamurhangula aha Masa, erhi wamarhangimujîsa kadali aha burhambi bw’amîshi ga Meriba.

Lushika 33:9

Aderha kuli nina nakuli îshe, erhi: «Ntamubonaga». Bene wâbo, arhabamanyiri. Nêci akanwa kâwe bakalonzize, n’endagâno yâwe babà bayibîkirîre.

Mafulûlo 14:5

Ekanwa kâbo ntâye wankayûlubwîreyo ecinwa c’obunywesi: barhàlikwo izâbyo.

1 Samweli 2:12

Bene Eli byàli byâbi, birhakengaga Nyakasane.