Malakiya 2:14 - BIBLIYA NTAGATIFU OMU MASHI

¹⁴ Mudôse obwo ecirhuma arhacizilonza. Kuli kubà bulya mwalaganyire embere za Nyakasane oku mwayôrha bikubagirwa emw’omukazi mwarhôleraga ebusole bwinyu. Ali winyu, mwenene mwacîshogaga ye, mwanabulimuhulusa.

Malakiya 2:14 ပူးပေါင်းရင်းမြစ်များ

Murhondêro 2:18

Nyakasane Nyamuzinda aderha, erhi: «Kurhali kwinjà omuntu ayôrhe yêne, rhumujirire omurhabâzi omushushire».

Murhondêro 31:50

Erhi wankalibuza bâli bâni, nîsi erhi wankayanka abandi bakazi, ohalika bâli bâni, omanye oku ntà muntu warhuj’ekâgarhî: Nyamuzinda ye wâbà câliho wîrhu rhwembi».

Migani 2:17

Olya walesire owâbo bàkulaga bo naye, àyibagire eciragâne ca Nyamuzinda wâge.

Migani 30:20

Enjira y’omukazi w’ecishungu yoshi eyo: anabà amâlya ahôrhole nakanwa, erhi: «ntà bubî najizire».

Migani 5:20

Mwâna wâni cankarhuma warhebwa n’omukazi mugenzi, cankarhuma wâziga wayêgemera ecifuba c’omugera wâgera?

Muhanûzi 9:9

Oyanke akalamo n’omukazi ozigîre, ensiku z’obuzîne bw’akalenganè Nyamuzinda akuhîre hanôla igulu, bulyâla kwo walemirwe ensiku onalibukira hanôla igulu.

Lwimbo 1:15

-Alà nka wayinjiha, Muzigirwa wâni, alà nka wayinjiha! Amasù gâwe ziri ngûkù

Izaya 54:6

Nêci, nka mushombe-kazi oli omu ntanya, Nyakasane akuhamagîre, erhi: «Ka omuhya w’obusole ankalekêrerwa?» Nyamuzinda wâwe oku­desire.

Izaya 58:3

«Cici cankarhuma rhwacîshalisa akabà orhakubwini? Cici cankarhuma rhwacîbabaza akabà orhakumanyiri?» Ewe, kali omu lusiku lwinyu lw’okucîshalisa, munabè binyu binyu byo mukola mugugumirizekwo n’okurhindibuza abarhumisi binyu boshi!

Yeremiya 29:23

“Kwo kuderha oku bakozire ebirhajirwa omu Israheli, bahusha na bakà omulungu, baderha n’ebinwa by’obunywesi omu izîno lyâni, ntanabarhumiri­ kwo. Mmanyire niene nnampamîrîze, kanwa ka Nyakasane”».

Yeremiya 42:5

Nabo babwîra Yeremiyahu, erhi: Nyakasane ye rhulahîre, arhabêsha arhanarhebana, rhukabà rhurhajiziri nk’oku akanwa Nyakasane Nyamuzinda akurhuma warhubwîra kadesire.

Yeremiya 8:12

Enshonyi z’amaligo gâbo zababumba. Câba mushâna, barhacibà nshonyi, barhaciyishi olugwegwe lwo luci. Bafurhama omu karhî ka abafurhama bakomanya olusiku nayishibarhangula, Nyakasane okudesire.

Yeremiya 9:2

Kwo bagoka olulimi nka muherho bunywesi buyîmire mw’eci cihugo, ci arhali iderha nkana bâleka maligo bakola gandi barhanayishi Nyamubâho.

Ezekiyeli 16:8

Okubundi nanacigera hôfi na nâwe, nakubona. Gali gakola mango gâwe, mango ga kushebwa. Nakulambulirakwo lubuga lw’ecishûli câni, nabwîkira obushugunu bwâwe. Nacigasha n’endahiro, najira endagâno haguma na nâwe, kwo adesire Nyakasane Nyamubâho, -wanaciba wâni.

Mikeyo 1:2

Muyumvîrhize mwe lubaga. Nâwe w’lgulu n’ebikubamwo byoshi, rhega okurhwiri. Nyakasane Nyamuzinda yêne amubêra muhamîrizi, Nyakasane yênene kurhenga omu nyumpa yâge nyimâna.

Malakiya 2:15

Ka Nyakasane arhalimujizire muntu muguma mwe naye? N’oyo muntu muguma bici alonza? K’arhali kubona ahâbwa abâna na Nyamuzinda? Lêro mwene mucîlangage, murhakâgihulusa omukazi mwarhôleraga omu busole bwinyu.

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

Malakiya 3:8

Ka kukwânîne okurheba Nyamuzinda? Ci kwône mwêhe munantebe! Munandôse, mpu: «Bici rhukurhebamwo?» Munantebe oku biyêrekîre entûlo zinyu.

Bacîranuzi 11:10

Balya bashamuka b’e Galadi banacishuza Yefutè, mpu: «Nyakasane abè yêne ye mubêshûza ekarhî kîrhu na nâwe: rhwajira okunali nk’okwo onadesire».

1 Samweli 12:5

Anashubibabwîra, erhi: «Nyamubâho yêne muhamiriza ekarhî kîrhu rhweshi, n’oyôla mwambali ali muhamiriza wâni olu lusiku lw’ene, oku ntà kantu kabî mwavumbwîre omu bwôrhere bwâni.» Olubaga lwanacishuza mpu: «Nêci ali muhamîrizi.»