Malakiya 1:6 - BIBLIYA NTAGATIFU OMU MASHI

⁶ Ntya kwo mbwîzire abadâhwa, niono Nyakasane w’Emirhwe: «Omwâna ajira obukenge kuli îshe n’omushizi kuli nnâhamwâbo. Ka nâni ntali nie sho nie na nnâhamwinyu? Cirhumaga murhanjirakwo bukenge buci?» Munakazingayaguza mubulindôsa mpu: «Bici rhukugayaguzamwo?» Munakazilêrha ebiryo birhankwânîni oku luhêrero lwâni mubuliderha, mpu; «Bici rhugayisamwo obukulu bwâwe?»

Malakiya 1:6 ပူးပေါင်းရင်းမြစ်များ

Ennanga 123:2

Kulyâla amasù g’abashizi, ganayêrekera enfune za ba nnawâbo, kulyâla amasù g’omujà-kazi gahenekera enfune za nn’omumwâbo, kwo amasù gîrhu gadwîrhe galolakwo Nyakasane Nyamuzinda wîrhu, kuhika olukogo lwîrhu lumugwârhe.

Lubungo 20:12

Okazikenga sho na nyoko, ly’olama myâka minji omu cihugo ohîrwe na Nyakasane, Nyamuzinda wâwe.

Migani 17:6

Ecimanè c’abashosi: bâna b’abâna bâbo, okukengwa kw’abâna erhi îshe.

Migani 30:11

Hali obûko, oku bàjacira îshe, kwo na nnina barhamukenziri.

Migani 30:17

Amasù omuntu akengulamwo îshe, âgagayira nnina wa muntu obugikulu, bihungu by’oku lwîshi byâgarhule, bigukuma byâgashêge!

Izaya 1:2

Mwe malunga, muyumve, nâwe we igulu, orhege amarhwîri, bulya Nyakasane odesire, erhi: «Nalîsize abâna nanabalera, ci bôhe bangomera.

Izaya 43:23

Orhantûlaga abâna-buzi bâwe mbâgwa, orhanankuzagya n’enterekêro zâwe. Ntakulibuzagya n’enshangi.

Izaya 45:10

Buhanya bwâge owankabwîra îshe, erhi: «Cici eci wabusire?» Nîsi erhi nnina, erhi: «Cici eci càkurhenzire omu nda?»

Izaya 64:7

Cikwône, Yâgirwa Nyakasane, we onali larha; rhw’ono rhuli ibumba, nâwe we mubumbi wîrhu; rhweshi rhuli bushanja bw’enfune zâwe.

Izaya 64:8

Orhakuniraga okurhalusire, Nyakasane, orhacihîra okayîbuka obubî bwîrhu. Alà oku rhweshi rhuli lubaga lwâwe!

Yeremiya 23:11

Ciru n’omudâhwa n’omulêbi nabo ziri nkola-maligo, ciru n’omu nyumpa yâni nabuganyiremwo amaligo gâbo, Kanwa ka Nyakasane.

Yeremiya 3:4

Nkabaga lêro orhanyakûza erhi «Larha! We mwîra wâni w’eburhò!

Yeremiya 31:9

Bayishire balaka, nâni mbadwîrhe nayisha nabarhûliriza. N’abaheka ah’iriba. Omu njira nungêdu elya barhankasârhalamwo. Bulya ndi îshe wa Israheli, na Efrayimu yo nfula yâni.

Yeremiya 35:16

Ntyo, abâna ba Yônadabu mwene Rekabu bashimbire irhegeko bahâbagwa na shakulu wâbo, ci­ kwône niehe olu lubaga lurhanyumvagya.

Ezekiyeli 22:26

Abadâhwa bâco bavunyire irhegeko lyâni, bahemwîre ahantu hâni hatagatîfu, emwâbo akantu karherekîrwe n’akarharherekêragwa byoshi byo na biguma, barhanayigîrizagya abantu oku bankamanya akantu kinjà n’akabî, bayegwîre amasù oku nsiku zâni za Sabato, nanabonêsibwa nshonyi ekarhî kâbo.

Hozeya 12:8

Kanâni afumbîrhe eminzâni y’oburhebanyi, asîma okuyungunganya.

Hozeya 4:6

Olubaga lwâni lufirire okubula obumanye. Bulya w’oyo wakabulire obumanye, nkolaga nakukaga omu budâhwa bwâni; wayibagîre e­ nyigîrizo za Nyamuzinda wâwe nkolaga nayibagira abâna bâwe.

Hozeya 5:1

Muyumve, mwe badâhwa yumvirhizi wâni nyumpa y’Israheli, nyumpa ya mwâmi rhega okurhwiri, mwe balanzi b’amarhegeko; bulya mwabîre murhego aha Mispa, kêshe karhege oku Tabora.

Ben Levi 19:3

Ngasi muguma muli mwe agwâsirwe okukenga îshe na nnina, n’ensiku zâni za Sabato mukaz’izikenga. Nie Nyakasane Nyamuzinda winyu.

Sofoniya 3:4

Abalêbi ba muli co babà bacîbonyi balonza okurhebana. Abadâhwa baco barhakenga ebintu birherekîrwe Nyamuzinda, banakazivuna n’irhegeko.

Malakiya 2:1

Ninyu mwe badâhwa muyumve aga marhegeko:

Malakiya 2:10

Ka rhweshi rhurhajira larha muguma? K’arhali Nyamuzinda muguma wa­ rhulemaga rhweshi? Cirhumaga rhucilyâlihirana rhwêne na nnene omu kuvuna endagâno yàfundikagwa haguma na Nyamuzinda na bashakulûza bîrhu?

Malakiya 2:8

Ci mwêhe, mwe badâhwa, mwalengayize obwo bugo. Mwahà­bwîre bantu banji n’enyigîrizo zinyu, mwavuna eciragâne câni haguma na Levi, kwo ndesire, niono Nyakasane w’Emirhwe.

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

Mateyo 15:4

“Ci Nyamuzinda aderhaga, mpu”: “Okenge sho na nyoko, mpu n’owakungulire îshe erhi nnina, anafè”.

Mateyo 15:6

“mwaderha mpu oyo arhacirhegesirwi okurhabâla îshe erhi nnina. Na ntyo munakaz’ivuna amarhegeko ga Nyamuzinda erhi ngeso zinyu zirhuma”.

Mateyo 19:19

«Okâkenga sho na nyoko, onazigire abinyu bantu nka oku ocîzigira wênene».

Mateyo 6:9

Alagi oku mwakashenga: Larha, oli omu mpingu, Izîno lyâwe likuzibwe,

Mateyo 7:21

Arhali ngasi ombwîra, mpu: «Yâgirwa, Yâgirwa, ye wâjè omu Bwâmi bw’empingu, ci olya ojira oku Larha oli omu mpingu alonza, y’oyo ye wâhike omu Bwâmi bw’empingu.

Marko 10:19

Oyishi amarhegeko: Orhahîra kanigana, orhahîra okahusha, orhahîra okazimba, orhahîra okahamîriza obunywesi, orhahîra okalya ebya bene, okaz’ikenga sho na nyoko».

Marko 7:10

Bulya Mûsa adesire, mpu: “Okenge sho na nyoko, na owahehêrere îshe erhi nnina, anafè”.

Luka 10:29

Ci yêhe erhi acilonza okucîrhenza enshonyi, abwîra Yezu, erhi: «Owîrhu ye ndi?»

Luka 18:20

Oyishi amarhegeko: Orhahîra okahusha, orhahîra okaniga, orhahîra okazimba, orhahîra okahamîriza obunywesi; okaz’ikenga sho na nyoko».

Luka 6:36

«Mubè babwonjo nk’oku Sho abà wa bwonjo.

Luka 6:46

«Cirhuma mumbwîra: Yâgirwa, Yâgirwa, murhajira n’oku nderha?

Befezi 6:2

Okaz’ikenga sho na nyoko, -ly’irhegeko lirhanzi lirimwo eciragâne-,

Lushika 1:31

Omu irungu wêne wacîbwinîre kurhi Nyamubâho, Nyamuzinda wâwe àjaga akuhêka nka kula omulume anahêka omugala, akulanga ngasi aha wanageraga hoshi, mwalinda muhika hanôla».

Lushika 32:6

Ka gwo munkwa gwâwe emwa Nyamuzinda ogwo? Lubaga lwa bingolo-ngolo n’orhutumbaguzi. Kali ye sho ye wakuburhaga, ye wakulemaga ye nakubika?

Lushika 5:16

«Okazikenga sho na nyoko nka kulya Nyamubâho Nyamuzinda wâwe akurhegekaga, ly’olama nsiku nyinji onabone omugisho mwa cirya cihugo Nyamubâho Nyamuzinda wâwe akuhà».

1 Petro 1:17

Na kulya kubà oyu muderha mpu ye Sho arhajira kabôlo, ci anatwîre ngasi muntu nk’oku ebijiro byâge binashingânîne, muyôrhe murhînya amango muciri eno ihanga.