Malakiya 1:4 - BIBLIYA NTAGATIFU OMU MASHI

⁴ Erhi Edomu ankaderha mpu: «Rhwashâbirwe, ci kwône rhwâshubiyûbaka eci cishagala cîrhu càhindusire mushaka. Niono Nyakasane w’Emirhwe ndesire ntya: Bayûbakage, ci nâshanda omukolo gwâbo. Bâbayîrika izîno lya cihugo ciyunjula bubî n’erya lubaga Nyakasane ayôrha akunirîre».

Malakiya 1:4 ပူးပေါင်းရင်းမြစ်များ

Ayubu 12:14

Oyu amâshâbira, ntâye wankamuyûbakira, oyu amâshwêka, ntâye wankacimushwêkûla.

Ayubu 34:29

Erhi ankabêra burhahinya na ntâye wamuhuliganya, erhi ankabwîkira obusù bwâge, buzira kuciyêreka ndi, erhi anababalire amashanja n’ebiremwa!

Ayubu 9:4

Ayishi byoshi, àli na muzibu kulusha byoshi, ndi wankaderha mpu acishingikanye ye abule n’oku abîre?

Ennanga 127:1

Lwimbo lwa kusôka. Lwa Salomoni. Nka Nyakasane arhayûbasiri enyumpa, abayiyûbaka erhi na busha bârhamira. Nka Nyakasane arhalanziri olugo, omulâlîzi erhi na busha ârhamira.

Ennanga 137:7

Kengêra Nyamwagirwa, kurhi bene Edomu bàjizîre Yeruzalemu mpu ehyajirwe kuhika okw’ibuye lizinda.

Ennanga 33:10

Nyakasane ye twîra ab’emahanga omu myanzi, ye bulabuza emirâli y’ab’ekulî.

Migani 21:30

Ntà burhimanya, ntà bwîrhonzi, na nt’ihano lyankacigererakwo Nyamubâho.

Izaya 10:4

Ntà kundi kucimmusigalîre okurhali kugonya irhwe nka bigorogo nîsi erhi okurhibukira oku idaho omu kâgarhî k’emifù. Ci okwôla kurhârhume oburhè bwâge bwatwîka n’okuboko kwâge kurhayôrha kulambûle.

Izaya 11:14

Barhibukirakwo Abafilistini olunda lw’ebuzikiro bw’izûba, haguma bagend’ihagula amashanja g’ebushoshôkero. Bâgwârha Edomu na Mowabu, na bene Amoni babashiga.

Izaya 34:10

Oli mûshi, oli budufu, gurhâzima, n’omugî gwâgo gusôkera burhahusa emalunga. Kurhenga oku ihurha kujà oku lindi, eco cihugo cafananda, cirhakacifà cagêzirwemwo n’omuntu.

Izaya 34:5

Nêci, engôrho yâni yamâjâmwo orukara emalunga: yamâhonera kuli bene-Edomu, lulya lubaga natwîraga okuherêrekera, lyo nduhana.

Yeremiya 31:17

“Kuziga haciri obulangâlire oku iburha lyâwe, Nyakasane okudesire. abâna bâwe bashubigaluka omu cihugo câbo”.

Yeremiya 49:20

Yumvagi lêro omulâli Nyakasane agwêrhe kuli Edomu, emihigo arheganyîze abantu babà e Temani: Mumanye bwinjinjà oku nka ngonyo bababulula. Olwâbuko lwâbo, balulabarhanya banabona.

Yeremiya 49:7

Kuli Edomu. Ntya kwo Nyakasane w’Emirhwe adesire: Ewe, ka ntà bushinganyanya bucibà e Temani? Ewe, k’ihano lyahirigisire emw’abanya-bukengêre. K’oburhimanya bwâbo bwâhirigirha?

Yeremiya 49:8

Mulibirhe! Mukûle idârhi! Mucicizininika kulî, mwe mubà e Dedani, bulya namulerhera okuherêrekera mwe iburha lya Ezau, go mango g’okumuhana gano.

Yeremiya 5:17

Eyo ngabo yâkulya empenzi n’akabale, yâkulya abânarhabana n’abâna-nyere, yâkulya enkafu n’ebibuzi, ekulye omuzâbîbu n’omulehe, yâkushâbira ebishagala biyûbakire, birya wali ocîkubagire!

Ndûlù 3:37

Ndi wankahashiderha akanwa kanabè? K’arhali Nyakasane ohiga?

Ezekiyeli 11:10

Ngôrho yamumaliriza omu cihugo c’Israheli, namutwîra olubanja lyo munamanya oku nie Nyamubâho.

Ezekiyeli 25:13

Ko kurhumire Nyakasane Nyamubâho adesire, erhi: Nkola nâlambûla okuboko kuli Edomu naye, nâmaliramwo e­nyama n’abantu. Nâjira ayôrhe mwerûlè, kurhenga e Temani kujà e Dedani, bâhungumuka n’engôrho.

Ezekiyeli 25:14

Nâcîhôla kuli Edomu n’okuboko kw’olubaga lwâni Israheli, bâlibuza Edomu nk’oku obukunizi n’oburhè bwâni binali, na ntyo bânamanya oku luli lwihôlo lwâni, kwo adesire Nyakasane Nyamubâho.

Ezekiyeli 26:14

Nâkujira ibuye lyonene, wâbà lwânikiro lwa rhwêshe. Orhacishubiyûbakwa, bulya niono Nyamubâho nkudesire, kwo adesire Nyakasane Nyamubâho.

Ezekiyeli 35:4

“Engo zâwe nâzijira bigûkà, wâbà cihugo cihagule: na ntyo wânamanya oku nie Nyamubâho”.

Ezekiyeli 35:9

“Nâkujira irungu ly’ensiku n’amango, n’engo zâwe zirhakaciyubakwamwo: ntyo wâmanya oku nie Nyamubâho”.

Amosi 1:11

Ntya kwo Nyakasane adesire: «Oku mabî asharhu ga Edomu n’oku anni, nahizire burhashubira nyuma! Kulya kubà àhivulwîre mwene wâbo n’engôrho, buzira, lukogo, abîka n’omujina gurhahwa, n’obumvu ensiku zoshi.

Amosi 3:15

“Nâshâba enyumpa z’empondo n’ez’ecanda; enyumpa z’amahembe g’e­njavu zahôngoka, na nyumpa nyinji ziherêrekere, kwo Nyakasane adesire”».

Amosi 5:11

Akabà ntyo, bulya munatûntume omuzamba, munamuvurhise emburho y’aha kwâge, ezi nyumpa nyinjinjà z’amabuye mwayûbasire, murhâcizibêramwo, olu lukoma lunagirîre, mwarhwezire, murhanywe oku mamvu gâlwo.

Amosi 6:11

“Bulya mubwîne oku Nyakasane amârhegeka, oku buhashe bwâge, enyumpa nnene yamâhongoka, n’ensungunu yamâforhama”.

Amosi 6:2

Mugere e Kalne, mubone; kurhenga yo mujè e Hamati, cishagala cikulu. Kandi muyandagalire e Gati omu Filistiya. Ka yo nyinjà kulusha aga mâmi? K’ecihugo câbo co cinene kulusha ecinyu?

Abudiya 1:1

Okubonekerwa kwa Abudiya e Edomu. Nayumvîrhe akanwa ka Nyakasane, omuganda alirhumire omu mashanja, erhi: «Kanya oku ntondo, rhugeze olu lubaga mwo omusisi». Ntya kwo Nyakasane adesire:

Abudiya 1:10

Enshombo wagwêrhe kuli mulumuna wâwe Yakôbo y’okumuniga, ebyo byoshi byâkubumba nshonyi onaherêrekere lwoshi.

Malakiya 1:3

“nagaya Ezau; entondo zâge nazijira irungu, n’amagisha àyimaga­mwo nagajira bwêrûlè”».

Mateyo 12:30

“Oyu rhurhali rhwe naye, erhi mushombanyi, n’orharhôla haguma nâni, erhi kushandâza ashandâza”.