Mafulûlo 9:7 - BIBLIYA NTAGATIFU OMU MASHI

⁷ N’ezo nzige owazibona kwo ankanamanya mpu biterusi byagungêza okulwa; amarhwè gâzo gàlikwo ebiri nka bimanè bya masholo; n’obusù bwâzo buli nka bantu.

Mafulûlo 9:7 ပူးပေါင်းရင်းမြစ်များ

Daniyeli 7:4

Entanzi yali eshushire entale erhi enagwêrhe ebyûbi biri nka bya nyunda. Nanacibona kandi yakûlwa ebyûbi, yanaciyîmanzibwa oku idaho, yayîmangira oku magulu nka muntu, yahâbwa n’omurhima guli nka gwa muntu.

Daniyeli 7:8

Oku ndwîrhage nalolêreza agôla mahembe, nanacibona erindi ihembe lisungunu kulusha ag­âbo, lyamera ekarhî kâgwo, na mahembe asharhu muli agôla ga burhanzi gwakûlwa n’eryôla ihembe; nalola oku ery’ihembe lyàli ligwêrhe amasù gali nka ga muntu n’akanwa kakazâg’iderha bintu binji binji.

Nahumu 3:17

Abajà-bulâbi bâwe kwo bàkâgiyandala nka nzige, n’abakozi bâwe nka kula amalumbu g’enjuci gajà gacîlunda oku mashaka amango g’e­mboho. N’erhi izûba lishalâla ntâye wacimanya aha zàgezire. Ngahigi bâgezire obwo?

Mafulûlo 6:2

Nanacibona eciterusi c’akêru, n’ocidahirekwo erhi afumbasire omuherho. Bamuhêreza ishungwè; agenda ahimire, mpu ashub’ij’ihimana.

Mafulûlo 9:3

Gulya mugî gwanacifugumukamwo enzige; zàgwa oku idaho, zanahâbwa obuhashe buli aka bulya engobe zijira en’igulu.