Mafulûlo 9:17 - BIBLIYA NTAGATIFU OMU MASHI

¹⁷ Ntyâla kwo nabwîne ebiterusi n’ababitamîrekwo bayôsire erhi mbà ndwîrhe nabona: bâli bagwêrhe empezi ziri nka masêsè ga muliro, zinashushire omukara gw’ecibogo n’ecibiriti. Amarhwe g’ebiterusi kwo gali gayôsire nka ga ntale, n’ekanwa kâbyo yakazâg’irhenga omuliro n’omugî n’ecibiriti.

Mafulûlo 9:17 ပူးပေါင်းရင်းမြစ်များ

Murhondêro 19:24

Oku bundi Nyamubâho anacirhogeza enshâno y’ecibiriti n’omuliro kuli Sodomo na kuli Gomora.

1 Nganîro 12:8

kuhirakwo Yowela na Zebadiya, bagala ba Yerohamu w’e Gedori.

Ennanga 11:6

Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.

Izaya 30:33

Nêci, ennundo y’enshâli eri nteganye kurhenga mîra; erheganyizîbwe mâmi naye. Omu mwîna mulirî na mugali, enshâli mwandu z’okutwâna omuliro ziri nnunde. Omûka gwa Nyakasane, nka nshalalo ya cibiriti, gwahirakwo omuliro.

Ezekiyeli 33:22

Ci kônene akanwa ka Nyamubâho kali erhi kampisire kwo bijingo embere oyôla muntu wayishaga ayâka ayishe, kanali kamâbumbûla akanwa kâni embere ajè emunda nali sêzi; akanwa kâni kabumbuka naleka okucibà kaduma.

Daniyeli 8:2

Oku byàbîre muli okwôla kubonekerwa, nanacibà nka muntu odwîrhe wabona, nanacibà ndi aha Suza, cishagala ciri omu cihugo c’e Elami, muli okwôla kubonekerwa, nali hôfi n’olwîshi lwa Ulayi.

Daniyeli 9:21

oku ncidwîrhe naderha omu kushenga, olya muntu Gabrieli nabonaga agandi mango omu bilôrho ajà emunda ndi, ayisha abalala omu mango g’enterekêro y’ebijingo.

Mafulûlo 11:5

Hakajira owaderha mpu abahumekwo, omuliro gunabarhenge ekanwa, gumakûze abadwîrhe obushombanyi; n’owankaderha mpu abahirekwo olûnu, naye ntyo kwo akwânîne afè.

Mafulûlo 14:10

oyo anywa oku idivayi ly’obukunizi bwa Nyamuzinda, lirya lihungulîrwe omu ka­bêhè k’omutula gwâge buzira ngushè; omuliro n’ecibiriti byâmulîkiza amagala omu masù ga Bamalahika batagatîfu n’omu masù g’Omwâna-buzi.

Mafulûlo 19:20

Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne.

Mafulûlo 20:10

Naye Shetani, erya Ndyâlya yakazâg’ibashumika, àjugucirwa omu cîna c’omuliro n’ecibiriti, ashangamwo olya w’eciryanyi bo na liryâla irumbi mpu mulêbi. Omwôla mwo bayôrha balibukira bwacà bwayira omu myâka n’emyâka.

Mafulûlo 21:20

Elya karhanu lyàli lya sadonidi; elya kali-ndarhu lyàli lya sadiyo; elya kali-nda lyàli lya krizoliti; elya kali-munâni lyàli lya berulo; elya kali-mwenda lyàli lya topazi; elya kali-ikumi lyàli lya krizoprazi; elya kali-ikumi na liguma lyàli lya byasinti; elya kali-ikumi na kabiri lyàli ly’ametusta.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».

Mafulûlo 9:18

Abo banyamanjà oku bali basharhu bo bayîsire ecihimbi ca kasharhu c’abantu: bahungumuka n’omuliro n’omugî n’e­cibiriti byakâg’irhenga ekanwa k’ebiterusi.

Mafulûlo 9:9

Ebifuba byâzo kwo biri nka mpenzi za cûma, n’omululumo gw’amashala gâzo kwo guyôsire nka kulyâla ebiterusi byajà oku bîrha biyisha byabulula babomboro.