Mafulûlo 8:3 - BIBLIYA NTAGATIFU OMU MASHI

³ Obwo owundi Malahika ayisha, erhi afumbasire ehijo hy’amasholo. Bamuhà mugavu munji, mpu aguhise haguma n’ensengero z’abatagatîfu boshi oku lûsho lw’amasholo luli aha mbêre z’e­ntebe.

Mafulûlo 8:3 ပူးပေါင်းရင်းမြစ်များ

1 Bâm 7:50

Atula amasahani, orhwere, orhubêhè, ebikombe bisungunu, ebitumbûkizo by’enshangi nabyo byàli bya masholo gônene, kuguma n’orhukomyo rhwa emihango y’omu ndalâlà y’enyumpa narho rhwàli rhwa masholo, oku mihango ya ahatagatîfu bwenêne n’ahatagatîfu konene, n’ey’enyumpa.

Ennanga 141:2

Omusengero gwâni gusôker’emund’oli nka mugî gwa nshangi, n’aga maboko nalengeza gayêrekereyo nka burherekêre bwa bijingo.

Lubungo 40:26

Ahira oluhêrero lw’amasholo omu Cihando c’Ihano, embere za gulya mwenda,

Izaya 6:6

Okuhandi muguma wa muli balya Baserafi ayisha abalalira emunda ndi, erhi afumbasire isèsè adahulaga n’orhugondôzo oku muliro g’oku luhêro.

Ezekiyeli 41:22

Oburherema bw’olwôla luhêrero bwàli bwa makano asharhu n’obulî bwa makano abirhi, lwàli lugwêrhe orhuhembe, n’omu bulîrî bwâlwo, ebirhebo by’empaho. Anacimbwîra, erhi: «Alaga amêza gali embere za Nyamubâho».

Amosi 9:1

Nanacibona Nyakasane ayîmanzire hôfi n’oluhêrero, aderha, erhi: Shûrha omunâra, oburhungiri burhoge; nkola nâbabeza amarhwe boshi, n’abankasigala, mbanige n’engôrho; ntâye ciru n’omuguma muli bo waderha mpu ayâka, ntâye ciru n’omuguma muli bo wâfuma,

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Mibalè 4:11

Banalambûlira omushangi gw’akaduku k’omukara oku luhêrero lw’amasholo, kandi banabwikira n’ecifûniko c’oluhù lw’ecigoho, banashesheza n’emirhamba.

Mibalè 7:62

Ahirakwo n’engombo y’amasholo ga sikêli ikumi eyunjwîre bukù.

Luka 1:10

Nayo engabo y’abantu erhi edwîrhe yashenga embuga amango g’okugashâniza.

Barom 8:34

Ndigi wankacibayagiriza? Ka Yezu Kristu wafâga anafûka? Ka Yezu Kristu otamîre ekulyo kwa Nyamuzinda, odwîrhe arhulagira?

Bahabraniya 7:25

Co cinarhumire anahash’iciza lwoshi abayegera Nyamuzinda oku burhabâle bwâge, bulya abà azîne ensiku n’amango mpu abalagire.

Bahabraniya 9:4

Hàli olûsho lw’omugavu luyûbasirwe n’amasholo, n’omucîmba gw’e­ndagâno gufûnisirwe n’amasholo enyunda zoshi. Na muli ogwo mucîmba mwali ikovu ly’amasholo liyunjwîre mâna, n’akarhi k’Aroni kàmeragakwo obwâso, n’amabuye g’endagâno.

Mafulûlo 10:1

Okuhandi nanacibona owundi Malahika muzibuzibu amanuka emalunga, ecitù erhi cimuhundikîre, n’omutirigongo erhi gumuli oku irhwe; obusù bwâge erhi buli nk’izûba, n’amagulu gâge erhi gali nka mitungo ya muliro.

Mafulûlo 14:18

N’owundi Malahika apamuka omu lûsho, olya ojira obuhashe oku muliro, ayâkûza n’izù linene, abwîra owâbo wali ofumbasire omugushu mwôji, erhi: «Lîka omugushu gwâwe mwôji, otwe ebihadu by’emizâbîbu y’omu igulu, kulya kubà amalehe gâyo gakola gayêzire».

Mafulûlo 5:8

Erhi abà amâyanka ecitabu, zirya Nsimba ini na balya Bagula makumi abiri na bâni bacîkwêba oku idaho embere z’Omwâna-buzi, erhi bafumbasire ngasi muguma olulanga n’orhubêhè rhw’amasholo rhuyunjwîre mavurha ga mugavu; ezo zo nsengero z’abatagatîfu.

Mafulûlo 6:9

Erhi abâla­za eciziriko ca karhanu, nabona aha idako ly’olûsho emyûka y’abafîre Oluderho lwa Nyamuzinda n’obuhamîrize bwâbo.

Mafulûlo 7:2

Okuhandi nanacibona owundi malahika wayinamukaga arhenga ebushoshôkero bw’izûba, erhi afumbasire ecimanyîso ca Nyamuzinda ozîne. Ayâkûza n’izù linene balya bamalahika bani bâli bahâbirwe obuhashe bw’okuherêrekeza igulu n’enyanja, erhi:

Mafulûlo 8:4

Omugî gw’omugavu haguma n’ensengero z’abatagatîfu gwarhenga omu nfune za Malahika, gwasôkera embere za Nyamuzinda.

Mafulûlo 8:5

Nyamalahika anaciyanka ecetêzo, acîyunjuza muliro gw’oku luhêrero. Hanacibà emilazô, n’emikungulo, n’orhumêmè, n’igulu lyâgeramwo omusisi.

Mafulûlo 9:13

Malahika wa kali-ndarhu naye agubûhamwo erhi na mushekera. Nanaciyumva izù lyahubuka aha marhwêrhwè anni g’olûsho lw’amasholo luli e­mbêre z’amasù ga Nyamuzinda.