Mafulûlo 8:13 - BIBLIYA NTAGATIFU OMU MASHI

¹³ Nashub’ibona, nanayumva enyunda yayisha yabalala omu nkuba-karhî, yaderha n’izù linene, erhi: «Bamâhera! bamâhera! bamâhera ababà omu igulu! Bamâhera abâyumva izù ly’enyindi mishekera balya Bamalahika basharhu bâbûhamwo!».

Mafulûlo 8:13 ပူးပေါင်းရင်းမြစ်များ

Ennanga 103:20

Mukuze Nyakasane mwe bamalahika bâge mweshi, mwe ntwâli zâge, mwe mujir’akanwa kâge, mwe muyumva izù lyâge mumukuze.

Ezekiyeli 2:10

Anacicibungûlira embere zâni: càli ciyandike olunda n’olundi; càli ciyandikekwo: «Ndûlù, njamu, mirenge!»

Bahabraniya 1:14

Ka boshi barhali myûka erhegesirwe okujira oburhumisi, erhumirwe bujà-bugo mpu erhabâle abayish’iyîma omu bucire?

Mafulûlo 11:14

Ibala lya kabiri ly’eryo lyamâcîkônya, ibala lya kasharhu eri liyiruka!

Mafulûlo 12:12

Sîmagi, mwe malunga, n’abammubâmwo! We igulu, nâwe we nyanja, mwamahera, bulya erya Ndyâlya emwinyu yayandagalîre, erhi enakunîre bwenêne, kulya kubà emanyire oku ensiku zâyo ziri nganje».

Mafulûlo 14:3

erhi badwîrhe bayimbira olwimbo luhyâhya embere z’entebe ya Nyamuzinda n’embere za zirya Nsimba oku zinali ini na balya Bagula. Na ntâye wankadesire mpu ayige olwo lwimbo aha nyuma lya birya bihumbi igana na makumi anni na bini byàcungulagwa omu igulu.

Mafulûlo 14:6

Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja.

Mafulûlo 19:17

Okubundi nanacibona Malahika ayîmanzire omu izûba; ayâkûza n’izù linene, abwîra ebinyunyi byàli bidwîrhe byabalala omu nkuba-karhî, erhi: «Muyishe, mulundumane oku idinie lya Nyamuzinda!

Mafulûlo 3:10

Kulya kubà walanzire akanwa nammusigiraga nti murharhamaga, nâni nkolaga nâkulanga oku mango g’amarhangulo gacihonda oku igulu lyoshi mpu garhangule abantu b’omu igulu.

Mafulûlo 8:2

Okubundi nanacibona balya Bamalahika nda bayimanga embere za Nyamuzinda; babahà mishekera nda.

Mafulûlo 9:1

Okubundi Malahika wa karhanu abûha omu mushekera: nanacibona e­nyenyêzi yarhengaga emalunga erhogîre oku idaho. Bayihêreza olwigulo lw’enyenga y’ekuzimu.

Mafulûlo 9:12

Ibala lirhanzi eryo lyamâgera, agandi mabala abiri ago gakulikire.