Mafulûlo 7:9 - BIBLIYA NTAGATIFU OMU MASHI

⁹ Enyuma ly’okwo, nabona ehitù hy’abantu barhankaganjwa: bâli ba ngasi cihugo, ba ngasi bûko, na ngasi ishanja, na ba ngasi lulimi luderhwa. Erhi bayimanzire embere ly’entebe y’Omwâna-buzi, banayambîrhe emyambalo myêru, banafumbasire amashami g’emishugushugu omu nfune.

Mafulûlo 7:9 ပူးပေါင်းရင်းမြစ်များ

Murhondêro 13:16

Iburha lyâwe najira hyôloloke liluge nka katulo k’okw’idaho: owakahash’iganja emogomogo z’akatulo k’okw’idaho ye wanahash’iganja iburha lyâwe.

Murhondêro 49:10

Ishungwè lirhakarhenga omu mwa Yûda, n’akarhi k’oburhegesi karhakarhenga omu magulu gâge, kuhika nnako ayîshe; ye amashanja goshi ganayumve.

Ennanga 2:8

Ompûne eci wankalonza, nâni nâkuhà ebihugo byoshi bibè hyâwe.

Ennanga 22:27

Abakenyi nabo bâlya banayîgurhe, n’abalongereza Nyakasane, kukuza bâmukuza, emirhima yâbo elame ensiku n’amango.

Ennanga 76:4

Avunirekwo emilazô y’emiherho, n’empenzi, n’engôrho n’amatumu.

Ennanga 77:2

Nnâmahanga nayâkûza obu nakûbiriza ntya, ye ndwîrhe nayâkûza nti anyumve nâni.

Ennanga 98:3

Akengêra obwinjà bwâge n’obudahemuka bwâge, kuli bene-Israheli. Igulu lyoshi aha litanga n’aha liramuka, lyabona okuciza kwa Nnâmahanga wîrhu.

Yeremiya 16:19

Nyamuzinda, we buzibu we n’ibuye ncîfulikaho, nyâkiraho amango mpanyagîre! Amashanja gayîsha emunda oli kurhenga ebwa kafende k’igulu gaderhe mpu: balarha bya bunywesi bayîmiremwo, bya busha birhajira mukolo muci.

Yeremiya 3:17

Ago mango, Yeruzalemu bakazimuderha «Ntebe ya Nyakasane», mwo amashanja goshi gabugânana, oku izîno lya Nyakasane; garhânacizige gahârhanwa n’omurhima gwâbo mubî.

Ezekiyeli 47:5

Anacipîma gandi makano cihumbi, lêro lwâbà lwîshi, lu­lyâla ntacihashaga okuyikira ebwa kubà amîshi gàli gamâbira; kwàli kukwânîne okuyôga, ntâye wankacihashire okuluyikira kwônene.

Daniyeli 4:1

Niono Nabukondonozori, nabîre ntûlwîre omu mwâni erhi nanjagalire obugale omu bwâmi bwâni,

Daniyeli 6:25

Oku irhegeko lya mwâmi banaciyisha ba­dwîrhe balya bantu bamubêsheraga banacibakwêba muli bulya bulumba bw’e­ntale boshi na bakâbo n’abâna bâbo. Barhalindaga bahika omu bulumba, e­ntale zirhabashimba, zabakugurha boshi orhuvuha.

Ben Levi 23:40

Oku lusiku lurhanzi mwanarhôla oku malehe g’emirhi yinyu minjà, mwanarhôla omu nfune amashami g’emishugushugu, amashami g’emirhi y’ecishakashaka n’ag’ecikanganyambwe c’oku lwîshi, mukâbihindana n’omwîshingo embere za Nyakasane winyu muli ezôla nsiku nda.

Zakariya 10:8

Nahamagala olubaga lwâni nnandushubûze, bulya nahizire okulucungula. Bâshub’ibà banji nk’okwa burhanzi.

Zakariya 2:11

Mwe bantu b’e Yeruzalemu mwalulizibagwa e Babiloni, muyâke dubaduba.»

Luka 12:1

Erhi engabo nyinji emuzunguluka, ciru baguma bakalabarha abandi, arhondêra okubwîra abaganda bâge, erhi: «Mumanye engezo y’Abafarizeyi, bwo bulyâlya.

Luka 21:36

Kuziga mubè masù, munashenge ngasi mango, lyo mukwânana okuyish’ifuma ebyo byâyishe byoshi n’okuyish’iyimanga embere za Mwene-omuntu buzira bwôba».

Yowane 12:13

Bahagula amashami g’emishugushugu, bagend’imulinga n’okukayakûza, mpu: «Hozana! Agishwe oyu oyishire oku izîno lya Nyakasane, ye Mwâmi w’Israheli!»

Barom 11:25

Nanga, bene wîrhu, ntalonza muhabe eri ihwe, nti lyo murhang’icîkubagira obushinganyanya bwinyu: baguma muli bene-Israheli bayôrha bali bagoma kuhika abapagani bayishe ntuliri.

Befezi 6:13

Kuziga muyambale emirasano ya Nyamuzinda, ly’omu mango mabî muhashihagalika omushombanyi, muhimane, munayôrhe muzibuhire.

Bahabraniya 11:12

Na ntyo, omu nda ya muntu muguma wali okola nka mufù, mwarhenga iburha linji nka nyenyêzi z’omu malunga na nka mushenyi gw’eburhambi bw’enyanja, gulya gurhankaganjwa.

Bahabraniya 12:22

Ci mwêhe mwayegîre entondo ya Siyoni n’ecishagala ca Nyamuzinda ozîne; mwayegîre Yeruzalemi w’empingu, n’emirhwe ya bamalahika barhankaganjwa, yo ndêko y’olusiku lukulu;

Mafulûlo 11:15

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Mafulûlo 22:3

Ntà kucihehêrera bundi. Entebe ya Nyamuzinda n’Omwâna-buzi yânagwîkwe muli eco cishagala, na bambali ba Nyamuzinda bakâmuharâmya;

Mafulûlo 3:18

Yumva nkuhanûle! Oyîshe ongulire amasholo gacêrîre eciko, ly’oshuba muhirhi, n’emyambalo myêru, oyambale, enshonyi z’obushugunu bwâwe zilek’ikubumba; ogule n’omushogolera, okamûlire omu masù, ly’obona.

Mafulûlo 4:4

Nabona zindi ntebe makumi abiri n’ini zizungulusire eyo ntebe, na Bagula makumi abiri na bâni bazibwârhîrekwo, erhi bayambîrhe emyambalo myêru n’amashungwè g’amasholo oku irhwe lyâbo.

Mafulûlo 5:11

Nashub’ibona nanayumva izù lya Ba­malahika mwandu mwandu bâli bazungulusire entebe, n’erya zirya Nsimba na balya Bagula; bâli rhulorho n’orhulorho na bihumbi n’ebihumbi,

Mafulûlo 5:9

Erhi banadwîrhe bayimba olwimbo luhyâhya, mpu: «Nêci, okwânîne oyanke eci citabu onahamûle orhuhamikizo rhwâco, bulya wanizirwe, warhucungwîre n’omukò gwâwe, warhuhà Nyamuzinda, rhwe b’omu ngasi mulala, n’omu ngasi lulimi luderhwa, n’omu ngasi ishanja, n’omu ngasi cihugo,

Mafulûlo 6:11

Banacibahêreza ngasi muguma ecirondo cêru, banababwîra mpu balinde hindi hisanzi hitya kuhika abâbo bashizi na bene wâbo bali buyîrhwa akâbo bahalûke.

Mafulûlo 7:8

omu bûko bwa Zabuloni, bihumbi ikumi na bibiri; omu bûko bwa Yozefu, bihumbi ikumi na bibiri; omu bûko bwa Benyamini, bihumbi ikumi na bibiri byahebwakwo ecimanyîso.