Mafulûlo 6:13 - BIBLIYA NTAGATIFU OMU MASHI

¹³ enyenyêzi z’oku nkuba zarhibukira oku idaho nka kulya omulehe murhò gurhibula amalehe gâgwo ganaciri mabishi nk’empûsi ndârhi egukalalîre.

Mafulûlo 6:13 ပူးပေါင်းရင်းမြစ်များ

Ayubu 15:33

Ayôrha nka lusisi lurhanaciyêra, ayôrha nka muzêti gwamârhoza obwâso.

Izaya 13:10

Nêci, enyenyêzi z’oku nkuba n’ebirundo byâzo zahusa okulangashana; izûba lyashuba mwizimya aha kuzûka kwâlyo, n’omwêzi gwaleka okukamoleka.

Izaya 33:9

Ecihugo ciri omu mishîbo, cidwîrhe cafananda; Libano enshonyi zàmubumbire, ayumûsire Saroni kwo akola acîbêra nk’irungu; Bashani na Karmeli barhacimerakwo hyâsi.

Izaya 34:4

Engabo y’abalwî b’emalunga yoshi yajonga, amalunga gazingwa nka kula bazinga ecitabu, n’engabo yâgo yahungumuka nka kula ebyâsi by’omuzâbîbu bihungumuka, nka kula ebyâsi by’omulehe bihungumuka.

Izaya 7:2

Omwanzi gwanacihika oku bwâmi bwa Daudi, mpu: «Aramu ahika omu cihugo c’Efrayimu.» Omurhima gwa mwâmi n’omurhima gw’olubaga gwarhondêra gwadûrha omu nda nka kula emirhi endundagana emuzirhu n’empûsi.

Ezekiyeli 32:7

“Amango obulangashane bwâwe bwâzima nanabwîkira amalunga, mpire n’omwizimya omu nyenyêzi, nâbwikira izûba n’ebitù n’omwêzi gurhacikamoleke n’obulangashane bwâgwo”.

Daniyeli 4:14

Okwôla kwajirwa n’irhegeko ly’Abalanzi, n’ebyôla byoshi byakolwa n’a­batakatifu, lyo abazîne bamanya oku Ow’Enyanya agwêrhe obuhashe oku bwâmi bw’eno igulu, anabûhe oyu alonzize n’omwîrhohye bwenêne omu bantu anamuyimuse.

Daniyeli 8:10

Lyalihûka kuhika oku murhwe gw’oku nkuba, lyahoneza cihimbi ciguma c’ogwôla murhwe oku idaho kuguma n’enyenyêzi, lyanacibihonyogola.

Nahumu 3:12

Ebyôgo byâwe bizibuzibu kwo biri nka malehe gayêzire oku murhi.

Mateyo 24:29

Enyuma ly’amalibuko g’ezo nsiku, izûba lyâbà mwizizi, n’omwêzi gurhacibashe, n’enyenyêzi zanamanuka oku nkuba, n’eby’oku nkuba byâgera­ mwo omusisi.

Marko 13:25

enyenyêzi zâmanuka oku nkuba n’eby’oku nkuba byâgeramwo omusisi.

Luka 21:25

«Hayish’ibà ebimanyîso omu izûba n’omu mwêzi n’omu nyenyêzi; n’omu igulu amashanja gayish’ibà burhè ganayish’irhanya bayumva enyanja ekungula.

Mafulûlo 9:1

Okubundi Malahika wa karhanu abûha omu mushekera: nanacibona e­nyenyêzi yarhengaga emalunga erhogîre oku idaho. Bayihêreza olwigulo lw’enyenga y’ekuzimu.