Mafulûlo 4:8 - BIBLIYA NTAGATIFU OMU MASHI

⁸ N’ezo nsimba ini zigwêrhe ngasi nguma byûbi ndarhu, zinayunjwîre masù omu marhambi n’omu ndalâlà, zirhahusa okuderha mûshi na budufu, mpu: «Mwimâna, Mwimâna Nyakasane Nyamuzinda, Nnâmahanga Ogala-byoshi, Nyamubâho, Oyôrh’ahabà, n’Owayish’iyisha».

Mafulûlo 4:8 ပူးပေါင်းရင်းမြစ်များ

Murhondêro 17:1

Abramu erhi ajira myâka makumi gali mwenda, Nyamubâho amubonekera amubwîra, erhi: «Nie El-Shadayi, Nyamuzinda Ogala-byoshi, olambagire embere zâni onayôrhe mwimâna.

Ennanga 91:1

We yimangirwe n’ow’enyanya, we bêra omu cizunguzungu c’Ogala-byoshi

Lubungo 15:11

Wundi Nyamuzinda ohi oli nka We, Yâgirwa? Ndi oli akâwe, we cilangashane c’obwimâna, murhînywa omu bijiro byâwe, mujizi w’ebirhangâzo?

Lubungo 3:14

Nyamuzinda anacibwîra Mûsa, erhi: «Nie Nyamubâho.» Amubwîra, erhi: «Oyishibwîra bene-Israheli, erhi: “Nyamubâho ontumire emunda muli.”»

Izaya 13:6

Muband’endûlù, bulya olusiku lwa Nyakasane luli hôfi, luyîshire nka kaheza k’Ogala-byoshi.

Izaya 62:1

Ntâhulike erhi Siyoni orhuma, ntadêkerere erhi Yeruzalemu orhuma, kuhika obushinganyanya bwâge bubonekane n’obwâlagale, n’obucire bwâge bumoleke nka kamole.

Ezekiyeli 1:18

Obunene bwâyo bwàli bulengerîre, n’oku enali ini yali eyunjulirîne masù omu marhambi goshi.

Ezekiyeli 1:5

Omu kâgarhî nanacibonamwo ebiri nka nsimba ini. Enshusho yazo kwo yali nka ya bantu.

Ezekiyeli 1:6

Zàli zigwêrhe ngasi nguma malanga anni na ngasi nguma byûbi bini.

Ezekiyeli 10:12

N’omubiri gwâbo goshi, omugongo gwâbo, amaboko gâbo n’ebyûbi byâbo haguma n’emizizi, byàli biyujwîre masù omu marhambi moshi, eyôla mizizi oku enali inni.

Yoweli 1:15

Loli oku olusiku lwa Nnâmahanga luyîruka, luyishire nka cizombo, nka câhirà carhenga emwa Nyamuzinda-Ogala-byoshi.

Ebijiro 20:31

“Kuziga, mubè masù, muyôrhe muyibuka oku, myâka isharhu yoshi yoshi, budufu na mûshi, emirenge omu masù, ntahusagya nahanûla ngasi muguma muli mwe”.

2 Bakorinti 6:18

Nâbà nie sho, ninyu mubè bagala bâni na bâli bâni, ye kudesire Nyakasane ogala-byoshi.

1 Batesalonika 2:9

Mucikengîre, bene wîrhu, emirimo n’emiluho yîrhu: rhwakâg’immuyigîriza Emyanzi y'Akalembe ya Nnâmahanga omu kukola budufu na mûshi nti lyo rhurhazidohera ndi muli mwe.

1 Timoteyo 4:16

Ocîmanye wêne, omanye n’enyigîrizo zâwe; onazisêrekwo. Okajira ntyo, wacîciza wêne, onacize abakuyumvirhiza.

2 Timoteyo 4:2

oyigîrize oluderho lwa Nnâmahanga, basîme erhi babè barhasîmiri, obabwîre, obayâgirize, okalihe, ohanûle, omu butûdu n’omu bushiru bw’okuyigîriza.

Bahabraniya 13:8

Yezu Kristu, oku àli nnjo n’ene, kwo ânayôrha ensiku n’amango.

Mafulûlo 1:4

Yowane oku Ekleziya nda ziri omu Aziya. Enshôkano n’obuholo bimmugabirwe na Nyamubâho, ye wanayôrhaga ahabà, ye wanish’iyisha, n’erya Myûka nda ebêra embere z’entebe yâge,

Mafulûlo 1:8

Nie Alfa, nie na Omega kwo Nyakasane Nyamuzinda adesire, Nyamubâho, owayôrhaga ahabà, n’owayish’iyisha, Ogala-byoshi.

Mafulûlo 11:17

«Rhukuvuzire omunkwa, Nyakasane, Nyamuzinda Nn’amahanga, we Nyamubâho, we wanayôrhaga ohabà, kulya kubà wayansire obuhashe bwâwe bunji, wanacîyîmira.

Mafulûlo 14:11

N’omugî gw’amalibuko gâbo gwasôkera enyanya kuhika emyâka n’emyâka, barhanarhamûka omûshi ciru n’obudufu balya bagashâniza olya w’eciryanyi n’enshushano yâge, na ngasi ojakwo ecimanyîso c’izîno lyâge».

Mafulûlo 14:3

erhi badwîrhe bayimbira olwimbo luhyâhya embere z’entebe ya Nyamuzinda n’embere za zirya Nsimba oku zinali ini na balya Bagula. Na ntâye wankadesire mpu ayige olwo lwimbo aha nyuma lya birya bihumbi igana na makumi anni na bini byàcungulagwa omu igulu.

Mafulûlo 15:3

Erhi badwîrhe bayi­mbà olwimbo lwa Mûsa mwabambali wa Nyamuzinda n’olwimbo lw’Omwâna-buzi, mpu: «Ebi wajizire biri bya kusômeza birhanali busha, Nyakasane, Nyamuzi­nda Nn’amahanga goshi! Enjira zâwe zishingânîne zinayumânîne, Yâgirwa Mwâmi w’amashanja!

Mafulûlo 15:7

Nsimba nguma mwo zirya ini yahà balya Bamalahika nda rhubêhè nda rhwa masholo rhuli ekakwi n’omutula gwa Nyamuzinda oyôrha azîne omu myâka n’emyâka.

Mafulûlo 16:14

Yo myûka y’abazimu bakâjira ebisômerîne, balya bakaz’ijà aha mwa ngasi mwâmi w’en’i­gulu lyoshi, mpu babashubûze bayish’ijà oku ntambala y’olusiku lukulu lwa Nyamuzinda Nn’amahanga goshi.

Mafulûlo 16:7

Nayumva n’olûsho lwaderha, erhi: «Nêci, Nyamwagirwa, Nyamuzinda Nn’amahanga goshi, ebinwa byâwe biri hy’okuli binashingânîne!»

Mafulûlo 19:15

Akanwa kâge erhi kadwîrhe ka­ nyonyokamwo engôrho ya môji abiri mpu ayirhimbe abapagani. Yêne ye wabayabula n’ehirhi hy’ecûma, ye wanakanda omukenzi gw’erivayi ly’obukunizi bwa Nyamuzinda Nn’amahanga goshi.

Mafulûlo 19:4

Balya Bagula oku banali makumi abiri na bâni na zirya Nsimba ini bahwêra oku idaho, baharâmya Nyamuzinda otamîre oku ntebe, mpu: «Nêci, Amen! Aleluya!»

Mafulûlo 21:22

Ntabonaga muli aka-Nyamuzinda; bulya Nyakasane, Nyamuzinda Nn’amahanga goshi bo n’Omwâna-buzi, ko na ka-Nyamuzinda kamwo.

Mafulûlo 3:7

Malahika w’Ekleziya y’e Filadelfiya omuyandikire, erhi: «Kwo adesire ntyâla Omwimâna, Nn’okuli, oly’ojira akahamikizo ka Daudi: ohamûla olurhankacihamikwa, onahamika olurhankacihamûlwa.

Mafulûlo 4:4

Nabona zindi ntebe makumi abiri n’ini zizungulusire eyo ntebe, na Bagula makumi abiri na bâni bazibwârhîrekwo, erhi bayambîrhe emyambalo myêru n’amashungwè g’amasholo oku irhwe lyâbo.

Mafulûlo 4:6

Aha mbêre z’eyo ntebe erhi hali eri nka nyanja eshushire ak’ibuye lyâgeramwo amasù. N’aha karhî k’entebe n’eburhambi bwâyo erhi hali Nsimba ini ziyunjwîre masù embere n’emugongo.

Mafulûlo 4:9

N’oku ezo nsimba zakâhà otamîre oku ntebe n’Ozîne emyâka n’emyâka irenge n’obukuze, zànamuvuga omunkwa,

Mafulûlo 5:6

Okuhandi, aha karhî k’entebe n’aka zirya Nsimba ini na balya Bagula, nanacibona Omwâna-buzi ayîmanzire, ali nka munige. Ali agwêrhe mahembe nda na masù nda; yo erya Myûka nda ya Nyamuzinda akarhuma omu igulu lyoshi.

Mafulûlo 6:1

Okubundi nabona Omwâna-buzi ahamûla akahamikizo karhanzi muli rhulya nda, nanayumva Nsimba nguma mwo zirya nda yayakûza n’izù liri nka lya mulazo, erhi: «Yisha!»

Mafulûlo 6:6

Nayumva eliri nk’izù aha karhî ka zirya Nsimba, lyaderha, erhi: «Omulengo gw’engano y’omugati gufè idinari, na mirengo isharhu y’engano y’endogomi efè idinari; amavurha n’erivayi byôhe orhabihumagakwo!»

Mafulûlo 7:11

Na bamalahika erhi bazungulusire entebe n’Abagula na zirya Nsimba oku ziri ini; banacikwêba oku idaho embere ly’entebe, baharâmya Nyamuzinda, mpu:

Mafulûlo 7:15

Co cirhumire bali aha mbêre z’e­ntebe ya Nyamuzinda, co cinarhumire bamukolera mûshi na budufu omu luhêro lwâge; n’otamîre oku ntebe akola ayish’iyûbaka ecihando câge ekarhî kâbo.