Mafulûlo 3:5 - BIBLIYA NTAGATIFU OMU MASHI

⁵ Owânahime naye ayish’iyambikwa emyambalo myêru; n’izîno lyâge ntà mango nâlizaze omu citabu c’obuzîne; nânayish’ibà muhamîrizi wâge embere za Larha n’embere za bamalahika bâge».

Mafulûlo 3:5 ပူးပေါင်းရင်းမြစ်များ

Ennanga 109:13

Iburha lyâge lihwêre okw’itumu, n’izîno lyâge lihirigirhe oku mwîmo murhanzi.

Ennanga 69:28

Obubî bwâbo bujekw’obundi mâshi! n’irhondo barhafàga bâyagîze aha ngombe yâwe.

Malakiya 3:17

Nyakasane yêne okudesire, erhi: «Oku lusiku nteganyîze, bayîshiba buhirhi bwâni niene, nâbà wa lukogo kuli bo nka kulya omuntu alujira oku mwâna wâge omurhumikira».

Mateyo 10:32

Ngasi wankuze embere z’abantu, nâni nâmukuze embere za Larha oli omu mpingu.

Luka 10:20

Ci murhashagalukaga oku kubà abà­shetani badwîrhe bammuyumva, ci mushagaluke oku kubà amazîno ginyu gali mayandike omu mpingu».

Luka 12:8

Ka mmubwîre: ngasi yêshi wânkuze embere z’abantu, naye Mwene-omuntu anâmukuze embere za bamalahika ba Nyamuzinda.

Lushika 9:14

“Oleke nduhererhe, nzaze izîno lyâbo idako ly’amalunga, nabà we njira ishanja lizibu na linene kulusha elîra”».

Bafilipi 4:3

Nâwe Sizigo, murhabâzi wâni muzigirwa, nkuhûnyire obarhabâle; bulya bantabîre okulumîza Emyanzi y’Akalembe, bona Klementi n’abandi barhabâzi bâni. Amazîno gâbo gali mandike omu Citabu c’Obuzîne.

Yûda 1:24

Ayâgirwe Olya ogwêrhe obuhashe bw’okummulanga murhahirime n’okumuyîmanza embere z’irenge lyâge buzira izâbyo omu bushagaluke!

Mafulûlo 13:8

Abantu boshi b’igulu bacigashâniza, balyâla amazîno gâbo garhàli mandike kurhenga okulemwa kw’igulu omu citabu c’obuzîne c’Omwâna-buzi wabâgagwa.

Mafulûlo 17:8

«Eco ciryanyi oshuba wabona, ho càli, cirhanacihabà; cinakolaga càling’iyinamuka, cirhenge omu nyenga, cinagend’iherêrekera. N’abantu b’igulu amazîno gâbo garhali mayandike omu citabu c’obuzîne kurhenga okulemwa kw’igulu, basômerwa hano bashub’ibona cirya ciryanyi càhali cirhanacihabà».

Mafulûlo 19:8

bamuhîre mpu ayambale omwambalo mwinjinjà gw’ecitâni c’akêru, n’ogwo mwambalo gw’ecitâni byo birigi bijiro binjà by’abashinganyanya».

Mafulûlo 2:11

Ogwêrhe amarhwîri ayumve oku Mûka a­bwîzire Ekleziya: «Owânahime, olufù lwa kabiri lurhamujire kurhi».

Mafulûlo 2:7

Ogwêrhe amarhwîri ayumve oku Mûka abwîzire Ekleziya: «Owânahime, nayamulîse oku murhi gw’obuzîne bubà omu hantu h’amasîma ga Nyamuzinda».

Mafulûlo 20:12

Obwo nanacibona abàfîre, abakulu n’abarho, erhi bayimanzire embere z’entebe. Ebitabu byàbungûlwa; babungûla n’ecindi citabu, co citabu c’obuzîne. Abàfire banacitwîrwa olubanja, ngasi muguma nka kulya ebijiro byâge binakwânîne, nk’oku ebitabu byànali bidesire.

Mafulûlo 20:15

Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.

Mafulûlo 21:27

Murhakajà cihemusire, murhakalabarha muntu okola ebibî erhi oderha obu­nywesi, ci balya bayandisirwe omu citabu c’obuzîne c’Omwâna-buzi bônene.

Mafulûlo 22:19

N’owatwa oku binwa biri muli eci citabu c’obulêbi, Nyamuzinda anamutwa ogwâge mwanya gw’oku murhi gw’obuzîne n’ogw’omu Cishagala citagatîfu biyandisirwe muli eci Citabu.

Mafulûlo 3:12

Owânahime, nâmujira ashube mutungo omu luhêro lwa Nyamuzinda wâni, arhakanacihoza okugulu embuga bundi. Nâmuyandikakwo izîno lya Nyamuzinda wâni n’izîno ly’Olugo lwa Nyamuzinda wâni - Yeruzalemu muhyâhya wamanukaga emalunga emwa Nyamuzinda wâni - n’izîno lyâni lihyâhya».

Mafulûlo 3:4

Ci kwônene aha Sardi ogwêrheho bantu baguma barhazinzagya emyambalo yâbo. Abo, nêci, bayish’igenda haguma nâni omu myambalo myêru, bulya bakukwânîne.

Mafulûlo 6:11

Banacibahêreza ngasi muguma ecirondo cêru, banababwîra mpu balinde hindi hisanzi hitya kuhika abâbo bashizi na bene wâbo bali buyîrhwa akâbo bahalûke.

1 Samweli 17:25

Munya-Israheli muguma amubwîra, erhi: «K’orhabwîni ola muntu watakâza. Kujacira okwôla adwîrhe ajâcira bene Israheli. Owankamuyîrha, mwâmi anamuhà oluhembo lunênênè, anamuhà omwâli n’enyumpa yâbo enabè ya kurhinywa omu Israheli.»