Mafulûlo 3:2 - BIBLIYA NTAGATIFU OMU MASHI

² Zûka, okomeze obuzîne ocisigalîne bwàli bwamâfà; bulyâla omu masù ga Nyamuzinda wâni ebijiro byâwe ntabwîni oku biri bimâna!

Mafulûlo 3:2 ပူးပေါင်းရင်းမြစ်များ

1 Bâm 11:4

Amango ali akola mushosi, abôla bakazi banacihindulira omurhima gwâge ebw’abandi banyamuzinda bw’obwîhambi; omurhima gwâge gurhacicîshwekeraga kuli Nyakasane Nyamuzinda wâge nka kulya omurhima gw’îshe Daudi gwàli.

1 Bâm 15:3

Naye anacigera muli galya mabî îshe akazâg’ijira embere zâge, n’omurhima gwâge gurhali mushinganyanya embere za Nyakasane nk’omurhima gw’îshe Daudi.

2 Nganîro 25:2

Ajira ebishingânîne omu masù ga Nyamubâho, ci arhali n’omurhima mwimâna.

Ayubu 16:5

Omu kanwa kâni nali namubwîra; nti muzibuhe, na buzinda ncîhûmbire.

Izaya 35:3

Muzibubye amaboko garhîre enjingo, n’amadwî gadwîrhe gakomanya mugakomeze.

Izaya 56:10

Abalâlîzi bâge babîre mihûrha, boshi boshi barhishi cici; boshi boshi kwo bali nka rhubwa rhuduma rhurhankahash’imoka; rhunakaz’ilôrhera halya rhunagwîshîre, rhusima okuhunira.

Izaya 57:12

Cikwône nâyâliza obushinganyanya bwâwe n’emikolo yâwe, eyi orhakulagamwo bunguke buci.

Ezekiyeli 34:16

“Nâja nalongereza ecihezire, nâkaziyisha ngalwîre ecàli cihabusire; nâkaz’irhuba eciri n’ecibande, nkaz’igalulira emisî cirya càli cikola cizamba; ci konene cirya cakazâg’iciyâbula conene, cirya cakazâg’iciheka n’emisî, nâcisherêza, nâciha obuhane”.

Daniyeli 5:27

Tekeli «kugerwa» Nyamuzinda anakugerire oku munzâni, abona oku oli ntâye.

Zakariya 11:16

Bulya nalonza okurhuma omungere muhyâhya mw’eci cihugo: ârhakashîbirira ebibuzi biri bufà, ârhakalonza ebihabusire, ârhakarhuba ebiyâgalisire, ârhakanalîsa ebicizibuhire. Ci ahâli b’okujira ntyo, âkazirya enyama z’ebishushagîre anakaz’ibivuna ensenyi.

Mateyo 23:5

“Ebijiro byâbo byoshi babijira mpu babonwe n’abantu. Co cirhuma bayambala amahembe manene banasîma emishumi mirîrî”.

Mateyo 25:13

Kuziga mubè masù, bulya murhamanyiri ciru n’olusiku ciru n’ama­ngo.

Mateyo 25:7

Balya banyere boshi banacizûka, barheganya orhumole rhwâbo.

Ebijiro 18:23

Erhi abà amâyûsa yo nsiku, ashub’igenda; ajà agera omu cihugo c’e Galasiya n’omu Frijiya, akahà abemêzi boshi omurhima.

Lushika 3:28

Orhegeke Yozwè, omuhè omurhima n’oburhwâli, bulya ye walongôlana olûla lubaga ye wanabahisa mwa cira cihugo walangîra.

1 Petro 4:7

Obuzinda bw’ebintu byoshi buli hôfi. Kuziga mubè bîrhonzi, munalange olugero lyo muhash’ishenga.

1 Petro 5:8

Mulange olugero munabè masù! Omushombanyi winyu, Shetani, nka ntale yaluluma, adwîrhe azunguluka-zunguluka, mpu alonze oyu amira.

Mafulûlo 16:15

Alà oku kwo nyisha nka cishamb! Iragi lyâge oyôrha ali masù n’olanga emyambalo yâge, alek’ijà ashunga, acîbonese nshonyi!

Mafulûlo 2:4

Ci kwônene nkutumuzize kulya kubà walesire obuzigire wali ogwêrhe burhanzi.

Mafulûlo 3:1

Malahika w’Ekleziya y’e Sardi omuyandikire, erhi: «Kwo adesire ntyâla olya ojira Myûka nda ya Nyamuzinda na nyenyêzi nda. Ebijiro byâwe mbimanyire: mmanyire oku liri izîno mpu ozîne, ci oli mufù!

Mafulûlo 3:3

Okengêre kurhi wahîrwe oluderho lwa Nyamuzinda na kurhi waluyumvîrhe; olubîkirire onacîyunjuze. Bulya okabà orhali masù, nâyisha nka cishambo, orhânamanye mangaci nâkurhindakwo.