Mafulûlo 3:19 - BIBLIYA NTAGATIFU OMU MASHI

¹⁹ Niehe abansîma bo nkalihira, bo nampana. Omalage obushiru onacîyunjuze!

Mafulûlo 3:19 ပူးပေါင်းရင်းမြစ်များ

2 Samweli 7:14

“Oku bwâni, nâbà îshe naye abè mugala wâni. Erhi akajira okubî nanamuhîmbaguza n’empîmbo z’akîrumè, nanamuhà n’ebifundo, birya omuzîre akanahà omwâna wâge”.

Ayubu 5:17

Nêci, iragi lyâge omuntu Nyamuzinda ahanûla! Nâwe orhagayaguzagya obuhanûzi bw’Ogala-byoshi.

Ennanga 39:11

Onkûlagekwo eyi mibambu yâwe,: empîmbo z’okuboko kwâwe zambozize.

Ennanga 6:1

Gwârhi omukulu w’abimbiza. Oku nzihwa zishwêkwa n’emisî. Oku izù lya kali munâni. Lulanga. Lwa Daudi.

Ennanga 69:9

Nahugalala omu mwîrhu, nashuba w’ekulî omu bâna nyâmà aburha.

Ennanga 94:10

K’ohanûla amashanja ye kolaga wabula buhana? K’erhi ye nayigîriza abantu obumanye obwo?

Migani 15:10

Omuntu ocîrhenza omu njira ali wa kukalihirwa bwenêne, omuntu orhumva ihano yêhe kufâ anafâ.

Migani 15:32

Owâleka ihano erhi kugaya acîgayire, oyumva owamukalihira anarhôle obwenge.

Migani 22:15

Obuhwinja bubà bunanîre oku murhima gw’omwâna, akarhi k’obuhane kanamulikûze kuli bwo.

Izaya 26:16

Yâgirwa Nyakasane. omu marhabi, bàkubirikire; erhi bagogomerwa n’obuhane bwâwe, bàgwîra bakushenga.

Yeremiya 10:24

Orhuhane Yâgirwa, cikwône omu lugero lwinjà buzira mungo, rhwakanahungumuka rhweshi.

Yeremiya 2:30

Nashûsire bagala binyu, barhanayankiriraga ihano: engôrho yinyu yamulya abalêbi, nka ntale yahaha.

Yeremiya 30:11

“Ndi haguma nâwe nti nkucize, kwo Nyakasane adesire, hano mmalîra amashanja goshi nali kushandabanyizemwo, wêhe wêne ntaherêre­ keze. Cikwône nâkuhana nk’oku bishingânîne. Ntankakujirira nka kuno oli mwêru-kwêru, ciru akabà!”

Yeremiya 31:18

“Nayumvîrhe bwinjinjà oku abantu b’emwa Efrayimu badwîrhe balaka banaderha, mpu: Nyakasane warhukubwîre bwenêne nka kula banakubûla empanzi ntôrhò eyâbirana. Ci lêro orhushubizagye emunda oli, lyo rhubà bâwe lwoshi, bulya w’oyo Nyakasane, wêne­ne Nyamuzinda wîrhu”.

Yeremiya 7:28

Obabwîre erhi lolà olubaga lurhumva izù lya Nyakasane Nyamuzinda lurhanaziga lwabwîrizibwa. Ecihango cirhacihaba, cabarhenzire oku kanwa.

Sofoniya 3:2

Ntà mango càyumvîrhe ebinwa bya Nyakasane, ntà mango càyemire ihano, ntà mango càcîkubagire Nnâmahanga, ntà mango càyâkîre muli Nyamuzinda waco.

Mateyo 25:7

Balya banyere boshi banacizûka, barheganya orhumole rhwâbo.

Yowane 2:17

Abaganda bâge bakengêra eci cinwa c’Amandiko: «Obushiru bw’enyumpa yâwe bwayish’indya».

Barom 12:11

Mubè ba bushiru buzira bwôlo, mubè n’emirhima mikombêdu, murhumikire Nyakasane.

1 Bakorinti 11:32

Nyakasane akarhuhêka lubanja erhi kurhukoma arhukoma, lyo rhulek’ihanwa haguma n’igulu.

2 Bakorinti 6:9

mpu barharhwîshi, obwo ntâye orhuhabire; mpu rhuli obufà, n’obwo rhuli mitaraga; mpu rhuli bahane, ci barhankarhuyîrha;

2 Bakorinti 7:11

Loli ninyu mwêne eci obwo burhè bwa kuli Nyamuzinda bwammudwîrhîre. Loli bukombêdu bunganaci! Arhanali hoshi aho. Loli kurhi mwacîngayire mpu mucîyêze! Loli burhè bunganaci! Loli bwôba bunganaci. Loli buhane bunganaci? Loli bushiru bunganaci. Muli ebyo byoshi mwayêrekîne oku muli bêru-kwêru mw’olwo lubanja.

Bagalasiya 4:18

Okuyumva omuntu azigirwe kurhali kubî, casinga kubè kuzigirwa omu minjà n’ensiku zoshi, ci arhali amango ndi ekarhî kinyu gône!

Lushika 8:5

Oyumvagye obwo oku Nyamubâho, Nyamuzinda wâwe kwo akuhanûla kula omushamuka anahanûla omwâna wâge.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Yakôbo 1:12

Iragi lyâge omuntu olembera amarhangulo! Bulya erhi abà amâgahima, anayish’ihâbwa ishungwè ly’obuzîne Nyamuzinda alaganyagya abamuzigira.

Mafulûlo 2:5

Mâshi okengêre ngahi warhenzire wajà wahirima! Ocîyunjuze, onashubîrire olugendo lwâwe lwa burhanzi. Akabà nanga, nâkuyishira, nshegûle ecinâra câwe aha ciri, okabula bucîyunjuza.