Mafulûlo 3:15 - BIBLIYA NTAGATIFU OMU MASHI

¹⁵ ‘mmanyire ebijiro byâwe’:'nyîshi oku orhali muholo orhanali mudûrhu!»

Mafulûlo 3:15 ပူးပေါင်းရင်းမြစ်များ

1 Bâm 18:21

Eliya ayêgera olubaga aderha erhi: «Mangaci mweki mwaleka oku kujà mwahegera na gombi? Akabà Nyakasane ali Nyamuzinda, mumukulikire; akabà Baali yeri Nyamuzinda kulikiragi ye.» Olubaga lurhashagalaga kanwa.

Migani 23:26

Mwâna wâni, yumva nkubwîre; amasù gâwe gayêrekere amahano nâkuhà:

Hozeya 10:2

Abà bantu bali banywesi kuhika aha nsholo y’omurhima gwâbo. Ba­kolaga bâbarhula omuzigo gw’obubî bwâbo. Nyakasane âshâba e­mpêro zâbo, avungunyule n’amabuye gâbo g’empêro.

Hozeya 7:8

Efrayimu akomerîne n’amashanja g’ihanga, Efrayimu buli buntu bu­rhaniolagwa.

Mateyo 10:37

Ozigira îshe erhi nnina kundusha, arhankwânîni. Ozigira omugala erhi o­mwâli kundusha, arhankwânîni.

Mateyo 24:12

Na bulya amabî gayish’iyûshûka, obuzigire bwa banji bwânyihe”.

Mateyo 6:24

Ntâye wankakolera bâmi babiri: bulya anashomba muguma, azigîre owundi; erhi ashimbe muguma, anene owundi. Murhankahashikolera Nyamuzinda n’ebirugu.

Barom 12:11

Mubè ba bushiru buzira bwôlo, mubè n’emirhima mikombêdu, murhumikire Nyakasane.

1 Bakorinti 16:22

Orhazigira Nyakasane, akahera! «Maran atha!» Nyakasane ayisha!

2 Bakorinti 12:20

Bulya nyôbohire nti nkaba hano nyisha, arhali oku nnonzize mubè kwo nashanga muyôsire; nti ninyu mwakanashanga nyôsire oku murhalonzizi mbè; nti nakanashanga mulimwo ennongwè, obwâgalwa, omungo, orhudali, okuderherana kubî, okuhûranana, obucîbone n’akavuli­ndi.

Lushika 5:29

Omurhima gwâbo gurhankarhangiyôrha guli ntyôla: gukazinkenga gunashimbe amarhegeko gâni lyo babona amasîma garhahwa, bône haguma n’abâna bâbo.

Bafilipi 1:9

N’eci nshenga c’eci: nti obuzigire bwinyu buyûshûke ngasi lusiku kulusha omu bumanye n’omu burhimanya,

2 Tesalonika 1:3

Rhukwânîne okukâvuga Nnâmahanga omunkwa ngasi mango mwe murhumire, bene wîrhu; okwo kushingânîne, bulya obuyêmêre bwinyu budwîrhe bwayûshûka bwenêne, n’obuzigire bwa ngasi muguma muli mwe oku bâbo buli bunene;

Yakôbo 1:8

eri nderhera-habiri, nzunguzi omu majira gâyo goshi.

1 Petro 1:22

Erhi muyêmêra okushimba okuli, mwacêsize emirhima yinyu, mpu lyo muzigirana nk’abalondana buzira bulyâlya. Nêci muzigirane n’omurhima gucîre na burharhama,

Mafulûlo 2:2

Ebijiro byâwe mbimanyire, oku oluha kwoshi n’oku ozibuha; mmanyire oku orhankahash’ilembera ababî, n’oku balya bacîderha ntumwa n’obwo barhalizo wabarhangwîre, washanga bali banywesi.

Mafulûlo 2:4

Ci kwônene nkutumuzize kulya kubà walesire obuzigire wali ogwêrhe burhanzi.

Mafulûlo 3:1

Malahika w’Ekleziya y’e Sardi omuyandikire, erhi: «Kwo adesire ntyâla olya ojira Myûka nda ya Nyamuzinda na nyenyêzi nda. Ebijiro byâwe mbimanyire: mmanyire oku liri izîno mpu ozîne, ci oli mufù!

Mafulûlo 3:16

Ci bulya wamâbà wa bîkàngà, orhadûrhubîri orhanahoziri, nkolaga nakushala ontenge ekanwa!