Mafulûlo 3:14 - BIBLIYA NTAGATIFU OMU MASHI

¹⁴ Malahika w’Ekleziya y’e Laodiceya omuyandikire, erhi: «Kwo adesire ntyâla Nêci-ntyo,'omuhamîrizi w’okuli na mwîkubagirwa, imerero ly’ebiremwa bya Nyamuzinda.

Mafulûlo 3:14 ပူးပေါင်းရင်းမြစ်များ

Murhondêro 49:3

Rubeni w’e nfula yâni, we misî yâni we mburho ntanzi y’obugabo bwâni, we lunjwire-ifêka, we lunjwire-buhashe;

Migani 14:5

Câliho c’okunali arhabêsha, câliho w’obwîhambi kubêsha abêsha.

Migani 8:22

Nyakasane àli angwêrhe emurhondêro gw’emikolo yâge, embere ajire emikolo yâge mirhanzi-rhanzi.

Izaya 55:4

Loli oku ye nayimanzize, namujira muhamîrizi w’amashanja, muluzi w’okurhambula embaga.

Izaya 65:16

Ngasi yêshi wânalonze omugisho omu cihugo, ânagishwe na Nyamuzinda w’okuli, na ngasi wânalonze okunywa akasheba omu cihugo, anacîgashe oku izîno lya Nyamuzinda w’okuli. Bulya amalibuko ga mîra gâyibagirwa, gafulikwe kuli n’amasù gâni.

Yeremiya 42:5

Nabo babwîra Yeremiyahu, erhi: Nyakasane ye rhulahîre, arhabêsha arhanarhebana, rhukabà rhurhajiziri nk’oku akanwa Nyakasane Nyamuzinda akurhuma warhubwîra kadesire.

Yowane 1:3

Byoshi ye wabijiraga, n’omu biremwa byoshi, ntâco calemirwe cirhanalemirwi naye.

Yowane 8:14

Yezu abashuza, erhi: «Nêci, niene nie ncîhamîririza, ci kwône obuhamîrizi bwâni buli bw’okuli, bulya nyîshi aha ntenga n’eyi nyêrekîre; ci mwêhe murhishi aha mpubuka n’aha nâlola.

2 Bakorinti 1:20

Nêci, ebi Nyamuzinda alaganyagya byoshi, «nêci» wabyo muli Ye abà. Ye narhuma rhwaderha «Amen» w’irenge rhuhà Nnâmahanga.

Lushika 21:17

Cikwône akwânîne amanye oku olya mugala w’omushombekazi yo na nfula, amuhè bigabi bibirhi by’ebirugu byâge: oyo mwâna ye nakwânîne okubà nfula, bulya yo mburho ntanzi y’omu magala gâge.

Bakolosi 1:15

Ye nshusho ya Nyamuzinda orhaboneka, ye Nfula omu biremwa byoshi.

Bakolosi 1:18

Kandi yêne y’irhwe ly’omubiri, yo Ekleziya; y’Imerero, ye Nfula omu bafîre; na ntyo ye murhanzi muli byoshi.

Bakolosi 2:1

Nnonzize mumanye ntambala ndârhi ncindwîrhe nalwa mwe murhuma, nab’e Laodiceya, na ngasi bandi barhasâg’ibona obusù bwâni menemene.

Bakolosi 4:16

Aga maruba hano muyûs’igasoma, mugend’igasomêkeza n’omu Ekleziya y’e Laodiceya. Ninyu kwo na kuguma, muhûne ag’e Laodiceya, mugasome.

Mafulûlo 1:11

«Ebi wâbona, obiyandike omu citabu, onabirhumire ezi Ekleziya nda: Efezi, Simirna, Pergamo, Tiyatira, Sardi, Filadelfiya na Laodiceya».

Mafulûlo 1:5

na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge,

Mafulûlo 19:11

Okuhandi nalangîra amalunga gali mîgule, nabona n’eciterusi c’akêru, Owali ocitamîrekwo ye «Mudarhebana», ye na «Mutabêsha», arhanalyâlyanya nk’atwa olubanja na nk’alwa entambala.

Mafulûlo 2:1

Malahika w’Ekleziya y’e Efezi omuyandikire, erhi: «Kwo adesire ntyâla olya ofumbasire nyenyêzi nda omu kuboko kwâge kulyo, okâyisha alà­mbagira ekarhî ka binâra nda bya masholo.

Mafulûlo 21:6

Ashub’imbwîra, erhi: «Hoshi aho! Nie Alfa, nie na Omega, nie Murhondêro, nie na Buzinda. Ogwêrhwe n’enyôrha namuhà oku iriba ly’amîshi g’obuzîne, buzira ngulo.

Mafulûlo 22:13

“Nie Alfa, nie na Omega; nie Murhanzi, nie na Muzinda; nie Murhò­ndêro, nie na Buzinda.”»

Mafulûlo 22:6

Anacishub’imbwîra, erhi: «Ebi binwa birhali bya bunywesi, biri by’okuli; Nyakasane Nyamuzinda okaz’ibwîriza abalêbi ye warhumaga Malahika wâge mpu ayêreke abambali ebiri hôfi h’okubà.

Mafulûlo 3:7

Malahika w’Ekleziya y’e Filadelfiya omuyandikire, erhi: «Kwo adesire ntyâla Omwimâna, Nn’okuli, oly’ojira akahamikizo ka Daudi: ohamûla olurhankacihamikwa, onahamika olurhankacihamûlwa.