Mafulûlo 3:10 - BIBLIYA NTAGATIFU OMU MASHI

¹⁰ Kulya kubà walanzire akanwa nammusigiraga nti murharhamaga, nâni nkolaga nâkulanga oku mango g’amarhangulo gacihonda oku igulu lyoshi mpu garhangule abantu b’omu igulu.

Mafulûlo 3:10 ပူးပေါင်းရင်းမြစ်များ

Izaya 24:17

Ecôbà, enyenga n’omurhego bidwîrhe byammulinda; mwe mubà en’igulu!

Daniyeli 12:10

“Banji bâyishicêsibwa, bâyeruhe, bânarhangulwe, nabo abagalugalu banakaziyôrha bajira amagalu­galu gâbo, na ntà mugalu-galu wâyumva okwôla, ci abashinganyanya boki bâyumva”.

Zakariya 13:9

“N’olwo lubero luguma lwâsigala, nâbarhalika oku muliro lyo mbanûbula kula omuliro gunûbula amasholo n’amarhale. Okubundi bâkaz’inyêrekeza omusengero gwâbo nâni mbayumvîrhize. Nâkaz’ibabwîra nti: Lubaga lwâni, banayêmêre, mpu: Nyakasane ye Nyamuzinda wîrhu.”»

Mateyo 24:14

“Eyi Myanzi minjà y’Obwâmi yayish’ihanûlwa omu igulu lyoshi, ebè cimanyîso oku mashanja goshi. Obwo lyo olusiku luzinda lwâyishe”».

Mateyo 26:41

Mubè masù munashenge, mulek’ishumikwa: bulya omurhima gubà mwangu, ci omubiri gubà muzamba».

Mateyo 6:13

Orhanarhuhiraga omu mashumi, ci orhulîkûze oku Mubî.

Marko 14:9

Okuli, mmubwîre, ngasi aha Emyanzi y’Akalembe yayigîrizîbwe omu igulu lyoshi, eci cijiro c’oyu mukazi caganîrwe oku kumukengêra».

Luka 2:1

Byanacibà ntyo! Sezari Ogusti anacirhegeka mpu abantu b’igulu lyoshi baganjwe.

Yowane 17:6

Abantu warhenzagya igulu obampà, nabamanyisize izîno lyâwe. Bâli bâwe, wabampa, banashimba akanwa kâwe.

Barom 1:8

Burhanzi mvunzire Nyamuzinda wâni omunkwa muli Yezu Kristu erhi mwe murhuma mweshi, bulya obuyêmêre bwinyu bwadesirwe omu igulu lyoshi.

1 Bakorinti 10:13

Ntà mango musâg’igwârhwa n’amashumi galushire emisî y’omuntu. Akanwa ka Nyamuzinda karhagaluka; arhankaziga mwashumikwa okulushire emisî yinyu. Ci haguma n’amashumi, ammuhà oku mwagafuma n’emisî mwagagalamwo.

Befezi 6:13

Kuziga muyambale emirasano ya Nyamuzinda, ly’omu mango mabî muhashihagalika omushombanyi, muhimane, munayôrhe muzibuhire.

2 Timoteyo 2:12

Rhukacîkanyakanya, rhwayish’iyîma rhwe naye; erhi rhwankamuhakana, naye anayish’irhuhakana.

Yakôbo 3:12

Bene wîrhu k’omulehe gw’omutini gwankayânakwo amalehe g’omuzâbîbu? N’amîshi g’omu nyanja nago garhankaba minjà nk’ag’omu iriba.

1 Petro 4:12

Bîra bâni, irhondo mumanye murhacisômeragwa, nka kulya omuntu afuduka akantu arhishi, n’engulumira y’omuliro eri omu kâgarhî mpu emmurhangule.

2 Petro 2:9

kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja

Mafulûlo 1:9

Nie ono Yowane, mwene winyu, oshangîra ninyu amalibuko n’obwâmi, n’obuzibu muli Yezu, nabîre ndi oku cirhwa mpu co Patimosi erhi luderho lwa Nyamuzinda n’obuhamîrize bwa Yezu birhuma,

Mafulûlo 11:10

Abantu b’en’igulu bâsîme obwo, bacîshingire okufà kwâbo, banashêgulane, bulyâla abo balêbi bombi bâli bamarhindibuza ab’en’igulu.

Mafulûlo 13:10

Oli wa kuhêkwa bujà, ajè bujà; oli wa kunigwa n’engôrho, anigwe n’e ngôrho. Bwo buzibu n’obuyêmêre bw’abashinganyanya obwo.

Mafulûlo 13:14

Carheba abantu b’igulu n’ebyôla birhangâzo càli cihîrwe mpu cijire omu masù g’eciryanyi; cabwîra abantu b’igulu mpu bajire enshushano ya cirya cirya­nyi bayagazagya n’engôrho canafuma.

Mafulûlo 13:8

Abantu boshi b’igulu bacigashâniza, balyâla amazîno gâbo garhàli mandike kurhenga okulemwa kw’igulu omu citabu c’obuzîne c’Omwâna-buzi wabâgagwa.

Mafulûlo 14:12

Ho bazibuhira ahôla abimâna, balya bashimba amarhegeko ga Nyamuzinda banayêmêra Yezu!

Mafulûlo 14:6

Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja.

Mafulûlo 16:14

Yo myûka y’abazimu bakâjira ebisômerîne, balya bakaz’ijà aha mwa ngasi mwâmi w’en’i­gulu lyoshi, mpu babashubûze bayish’ijà oku ntambala y’olusiku lukulu lwa Nyamuzinda Nn’amahanga goshi.

Mafulûlo 17:2

Ye abâmi b’igulu bàhushagakwo, n’abantu b’igulu banywîre oku irivayi ly’okuhusha kwâge lyàbalalusa».

Mafulûlo 17:8

«Eco ciryanyi oshuba wabona, ho càli, cirhanacihabà; cinakolaga càling’iyinamuka, cirhenge omu nyenga, cinagend’iherêrekera. N’abantu b’igulu amazîno gâbo garhali mayandike omu citabu c’obuzîne kurhenga okulemwa kw’igulu, basômerwa hano bashub’ibona cirya ciryanyi càhali cirhanacihabà».

Mafulûlo 2:10

Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne».

Mafulûlo 3:8

Ebijiro byâwe mbiyishi. Alà oku lumvi lwigule mpebire embere zâwe, na ntâye wankahash’iluyigala; bulya obuhashe bwâwe buli bunji, wanabul’ilanga ebinwa byâni, n’izîno lyâni orhalihakanaga.

Mafulûlo 6:10

Banaciyâkûza n’izù linene, mpu: «Mâshi Nyamwagirwa, Mwimâna na Nn’okuli, kuhika mangaci wayôrha orhatwîri olubanja orhanahôziri omukò gwîrhu oku bantu b’igulu?»

Mafulûlo 8:13

Nashub’ibona, nanayumva enyunda yayisha yabalala omu nkuba-karhî, yaderha n’izù linene, erhi: «Bamâhera! bamâhera! bamâhera ababà omu igulu! Bamâhera abâyumva izù ly’enyindi mishekera balya Bamalahika basharhu bâbûhamwo!».