Mafulûlo 22:5 - BIBLIYA NTAGATIFU OMU MASHI

⁵ Obudufu ntâbwo bwacihabè, na ntà bulagîrire bacîbone bw’obulangashane bw’akamole nîsi erhi bw’izûba, bulya Nyakasane Nyamuzinda ye wayish’ikabamolekera, banayish’iyîma omu myâka n’emyâka.

Mafulûlo 22:5 ပူးပေါင်းရင်းမြစ်များ

Ennanga 36:9

banakaz’ishêga oku mwandu gw’ebinja bibà omu mwâwe, bakola basûza obahêke aha nshalalo y’obununîrizi bwâwe.

Ennanga 84:11

Kwo binali: omulegerege omuntu agezize omu mwâwe gwo mukulu oku yindi cihumbi, okubêra aha lusò lwa Nnâmahanga, kwo kukulu aha kubêra omu nyumpa y’abanya-byâha.

Izaya 24:23

Omwêzi gwanâtulûle n’izûba enshonyi zilibumbe, bulya Nyakasane Nyamuzinda w’Emirhwe ye wanâyîme oku ntondo ya Siyoni n’aha Yeruzalemu; irenge lyâge lyanalangashanire embere z’abagula bâge.

Izaya 30:26

Obulângale bw’omwêzi bwahinduka nka bulângale bw’izûba, n’obulângale bw’izûba buyûshûke kali nda, nka bulângale bwa nsiku nda, olusiku Nyakasane anarhube ebihulu by’olubaga lwâge anayumye enzigo z’ebibande byâlwo.

Daniyeli 7:18

ci kwônene abatagatîfu b’Ow’Enyanya bwenêne, bo hanahâbwe obwâmi banabuyôrhane ensiku n’amango, n’amango g’amango.»

Daniyeli 7:27

Obwâmi, obuhashe n’amarhegesi goshi ganayishihâbwa olubaga lw’abatagatîfu b’Ow’Enyanya bwenêne; obwôla bwâmi bwâbà bw’ensiku n’amango n’agandi mârni goshi gâbushiga ganaburhumikire.

Zakariya 14:7

Zâyish’ibà nsiku za bisômerîne, Nyakasane yêhe arhahabiri! Bwâyish’ibà buce-kabirhi: amango g’ebijingo kacibêre kalengerêre.

Mateyo 19:28

Yezu naye anacibabwîra, erhi: «Okuli, mmubwîre, mwe mwanshimbire, olusiku luhyâhya, amango Mwene-omuntu abwârhala oku ntebe y’irenge, ninyu mwâbwârhale oku ntebe ikumi n’ibiri mukola mwatwa olubanja lw’emilala ikumi n’ibiri y’Israheli.

Mateyo 25:34

Obwo Mwâmi anâbwîre abâli ekulyo kwâge erhi: «Yishi, mwe mwagishirwe na Larha, mucigandalize omu Bwâmi mwarheganyizîbwe kurhenga okulemwa kw’igulu.

Mateyo 25:46

Okuhandi abo banajà omu malumwa garhahwa, n’abashinganyanya bajè omu buzîne bw’ensiku n’amango.

Barom 5:17

Bulya, akabà ecâha ca muntu muguma carhumire olufù lwagandâza, erhi ye rhumire, kanga kulusha balya bayunjwîre engalo n’enshôkano y’obushinganyanya bôhe bayish’ilushîsa, bagandâze omu buzîne Yezu Kristu yênene orhumire!

2 Timoteyo 2:12

Rhukacîkanyakanya, rhwayish’iyîma rhwe naye; erhi rhwankamuhakana, naye anayish’irhuhakana.

Mafulûlo 11:15

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Mafulûlo 18:23

ntà mango wacifè wamolekîrwe n’obulangashane bw’akamole; izù ly’omuhya-mulune n’ery’omuhya lirhakacikuyumvikanamwo bundi, bulya abakulu b’en’igulu bo bâli barhunzi bâwe, n’obukurungu bwâwe bwarhebire amashanja goshi.

Mafulûlo 20:4

Nabo­na n’entebe, n’abàli bazitamîrekwo bahâbwa obuhashe b’okutwa olubanja. Nabona n’emyûka ya balya batûbagwa amarhwe erhi buhamîrizi bwa Yezu n’akanwa ka Nyamuzinda birhuma, na ngasi boshi babulaga bwagashâniza olya w’eciryanyi n’enshusho yâge banabula bwahebwa ecimanyîso câge emalanga n’omu nfune. Banacishubiramwo omûka, bayîma haguma na Kristu myâka cihumbi.

Mafulûlo 20:6

Owashangîra obwôla bufûke burhanzi erhi ali w’iragi erhi ali na mwimâna! Abôla olufù lwa kabiri lurhankabajira kurhi, ci bayish’ibà badâhwa ba Nyamuzinda na ba Kristu, banayish’iyîma bo naye myâka cihumbi.

Mafulûlo 21:11

n’erhi ciyunjwîre irenge lya Nyamuzinda. Càli cidwîrhe calangashana nk’ibuye lya ngulo ndârhi, ak’e­njuma ya yaspidi, yo egeramwo amasù.

Mafulûlo 3:21

Owânahime, namuhà atamale oku ntebe yâni haguma nâni, nka kulya nâni nahimaga, naj’itamala rhwe na Larha oku ntebe yâge».