Mafulûlo 21:6 - BIBLIYA NTAGATIFU OMU MASHI

⁶ Ashub’imbwîra, erhi: «Hoshi aho! Nie Alfa, nie na Omega, nie Murhondêro, nie na Buzinda. Ogwêrhwe n’enyôrha namuhà oku iriba ly’amîshi g’obuzîne, buzira ngulo.

Mafulûlo 21:6 ပူးပေါင်းရင်းမြစ်များ

Ennanga 36:9

banakaz’ishêga oku mwandu gw’ebinja bibà omu mwâwe, bakola basûza obahêke aha nshalalo y’obununîrizi bwâwe.

Izaya 12:3

Mwanadôme amîshi n’omwîshingo aha maliba g’obucire.

Yeremiya 2:13

Bulyâla olubaga lwâni kubirhi lwashûbûsire: bandeka, nie n’iriba ly’amîshi gahulula, bagendihumba yâbo yâbo migomero, eryâla erimwo obubere, eryâla erharhanga mîshi.

Hozeya 14:4

Asûru ârharhucize, rhurhâcishone oku biterusi, rhurhakanaciderha nti Nyamuzinda wîrhu, obushanja bw’amaboko gîrhu, bulya emwâwe yo enfûzi ebona olukogo.

Yowane 4:10

Yezu amushuza, erhi: «Ocimanyaga enshôkano ya Nnâmahanga okanamanya ndi okubwîzire, erhi: “Mpà nâni nnywe”, wakabire we muhûna, naye anakakuhîre amîshi g’obuzîne».

Yowane 4:11

Olya mukazi amubwîra, erhi: «Yâgirwa, ci orhagwêrhi eci wankadômeramwo, n’iriba lirî lirî. Ngahi wankacibona amîshi g’obuzîne?

Yowane 4:14

Ci owanywe oku mîshi namuhà, arhakayumva nyôrha ciru n’eliguma; bulya amîshi namuhà gamuhindukamwo iriba lyakahululamwo amîshi g’obuzîne bw’ensiku n’amango».

Barom 3:24

na kandi boshi bajirwa bêru-kwêru n’engalo y’olukogo lwâge erhi bucunguzi buli muli Kristu Yezu burhuma,

Barom 8:32

Arhababaliraga Omugala, ci amuhâna nterekêro kuli rhwe rhweshi; bici ankacibula bwarhuha haguma naye?

1 Bakorinti 2:12

Ci rhwono, arhali mûka gw’en’igulu rhwahâbirwe, ci Mûka gwa Nyamuzinda, lyo rhumanya enshôkano Nyamuzinda arhugabîre.

1 Bakorinti 3:12

E­erhi omuntu ankayûbakirakwo eco ciriba n’amasholo, erhi n’ebyûma, erhi n’a­mabuye g’engulo ndârhi, erhi n’emirhi, erhi n’obukere, nîsi n’obwâsi,

1 Bakorinti 3:21

Ntyo, ntâye ocîkuzizagye irenge ly’abantu; bulya byoshi biri binyu:

1 Bakorinti 3:5

Apolo aligi cici? Na Paolo aligi cici? Bashizi bammuhisagyakwo obuyêmêre, na ngasi muguma wa muli bo nk’oku Nyakasane amushobôzize.

Mafulûlo 1:11

«Ebi wâbona, obiyandike omu citabu, onabirhumire ezi Ekleziya nda: Efezi, Simirna, Pergamo, Tiyatira, Sardi, Filadelfiya na Laodiceya».

Mafulûlo 1:17

Erhi mmubona, nacîrhimba aha magulu gâge, nâbà nk’ofîre. Anacimpumakwo n’okulyo kwâge, ambwîra, erhi: «Orhayôbohaga: ‘nie Murhanzi, nie na Muzinda’,

Mafulûlo 1:8

Nie Alfa, nie na Omega kwo Nyakasane Nyamuzinda adesire, Nyamubâho, owayôrhaga ahabà, n’owayish’iyisha, Ogala-byoshi.

Mafulûlo 10:6

alahira Ozîne omu myâka n’emyâka, owalemaga amalunga n’ebigabâmwo, n’igulu n’ebimubà, n’enyanja n’ebimubà, mpu ntà mango gacihali,

Mafulûlo 16:17

Naye Malahika wa kali-nda abulagira akabêhè kâge omu cirêre. Okuhandi izù linene lyarhenga omu ka-Nyamuzinda, aha ntebe, lyayisha, erhi: «Hoshi aho!»

Mafulûlo 22:13

“Nie Alfa, nie na Omega; nie Murhanzi, nie na Muzinda; nie Murhò­ndêro, nie na Buzinda.”»

Mafulûlo 22:17

Mûka n’Omuhya bàdesire, mpu: «Yisha!» Oyumvîrhe naye aderhe, erhi: «Yisha!» N’oli nyôrha ayishe, n’olonzize ayanke amîshi g’obuzîne buzira kugagula.

Mafulûlo 3:14

Malahika w’Ekleziya y’e Laodiceya omuyandikire, erhi: «Kwo adesire ntyâla Nêci-ntyo,'omuhamîrizi w’okuli na mwîkubagirwa, imerero ly’ebiremwa bya Nyamuzinda.

Mafulûlo 7:17

Bulya Omwâna-buzi, oyîmanzire aha karhî k’entebe, yêne abà lungere wâbo, anabalangûle enjira ehêka ebw’iriba ly’amîshi g’obuzîne, Na Nyamuzinda abahôrhola emirenge yoshi ebali oku masù».