Mafulûlo 21:26 - BIBLIYA NTAGATIFU OMU MASHI

²⁶ Mwo bakaz’iyish’ihikiza obuhirhi n’obukuze bw’amashanja.

Mafulûlo 21:26 ပူးပေါင်းရင်းမြစ်များ

Ennanga 72:10

Abâmi b’omu Tarsisi n’ab’omu birhwa bâmurhûla entûlo, abâmi b’e Saba n’ab’e Seba bamusholôlera.

Izaya 49:23

Abâmi bo bâbà balezi bâwe, n’abaluzi-nyere babè balîsa bâwe. Bakufukamira, bahwêre oku idaho, bamîme akatulo k’amagulu gâwe. Ntyo wamanya oku nie Nyakasane, n’oku abacînyîkubagira ntà mango bankabulabula.»

Izaya 60:11

Emihango yâwe ekola yakaz’iyôrha eri miyîgule, erhakayîgalwa n’ôli mûshi n’ôli budufu, lyo bâkaz’ikulêrhera amahirhi g’amashanja gayîsha garhûzirwe n’abâmi.

Izaya 60:16

Wayish’iyonka amonka g’amashanja, wâyish’iyonka amabêre g’abâmi, onamanye oku niene Nyakasane nie Mucunguzi wâwe, n’oku Omuyôkozi wâwe ye Ciri-misî Ntwâli ya Yakôbo.

Mafulûlo 21:24

Amashanja gayish’ilambagira omu bulangashane bwâco, n’abâmi b’igulu bayish’ilerhamwo obuhirhi bwâbo.