Mafulûlo 21:16 - BIBLIYA NTAGATIFU OMU MASHI

¹⁶ Eco cishagala enyunda zâco oku ziri ini ziyumânîne: obulî bwâco buyumânîne n’obugali bwâco. Anacigera ecishagala na lulya lusheke: ashanga ciri ca stadi bihumbi ikumi na bibiri. Obulî bwâco n’obugali n’oburherema bwâco biyumânîne.

Mafulûlo 21:16 ပူးပေါင်းရင်းမြစ်များ

Ezekiyeli 41:4

Anacigera obulî bw’ecumpa, bwàli bwa makano makumi abirhi, n’obugali bwâco bwàli bwa makano makumi abirhi omwôla ndalâlà y’aka-Nyamuzinda, anacimbwîra, erhi: Ahôla ho Hatagatîfu ha Ahatagatîfu.

Ezekiyeli 42:20

Oku empande zinali inni, ajà apîmayo olugurhu luzizongolosire, lwàli lwa bulî bwa magana arhanu na bugali bwa magana arhanu, lwo lwakazâg’iberûla ahantu hatagatîfu n’ahantu harhali hatagatîfu.

Ezekiyeli 48:35

Amarhambi gali ga makano bihumbi ikumi na munâni. N’izîno ly’olugo likola lyabà kurhenga ene: Nyamubâho-hwo-ali-aho.

Mafulûlo 21:15

Owakâg’inganîza àli afumbasire olusheke lw’amasholo, mpu ageremwo ecishagala, n’emihango yaco n’ecôgo.

Mafulûlo 21:17

Agera n’ecôgo: ashanga gali makoro igana na makumi anni n’anni -Lugero lwa bantu olwo Malahika ageragamwo.-