Mafulûlo 21:15 - BIBLIYA NTAGATIFU OMU MASHI

¹⁵ Owakâg’inganîza àli afumbasire olusheke lw’amasholo, mpu ageremwo ecishagala, n’emihango yaco n’ecôgo.

Mafulûlo 21:15 ပူးပေါင်းရင်းမြစ်များ

Ezekiyeli 40:3

Erhi abà amâmpisa eyôla munda nanacibona omuntu wali oshushire omulinga, àli afumbasire omu kuboko omugozi gw’ecitâni n’olusheke lw’okujà apîma, anaciyîmanga aha muhango.

Zakariya 2:1

Oku nalambula amasù, nanacibonekerwa. Okubundi nanacibona mahembe anni.

Zakariya 2:2

Nanacidôsa malahika wal’irhumirwe okunderheza, nti: «Aga mahembe kwo kuderha kuci?» Anshuza, erhi: «Ago mahembe go gàshandabanyagya abantu ba Yûda (bo b’Israheli), n’ab’e Yeruzalemu.»

Mafulûlo 21:12

Ecôgo c’eco cishagala ciri cinênênè na cirîrî; cigwêrhe mihango ikumi n’ibiri, n’eyo mihango erhi erimwo Bamalahika ikumi na babiri; amazîno gàli gayandisirwe kuli eyo mihango, galyâla mazîno ikumi n’abiri g’amûko ga bene-Israheli.

Mafulûlo 21:16

Eco cishagala enyunda zâco oku ziri ini ziyumânîne: obulî bwâco buyumânîne n’obugali bwâco. Anacigera ecishagala na lulya lusheke: ashanga ciri ca stadi bihumbi ikumi na bibiri. Obulî bwâco n’obugali n’oburherema bwâco biyumânîne.

Mafulûlo 21:21

Nazo enyumvi ikumi n’ibiri gàli magerha ikumi n’abiri, na ngasi lumvi lwàli lw’igerha lyâgolyâgo. Engo y’eco cishagala yali ya masholo gône-gône gakazàg’igeramwo amasù nka nshangabuye.

Mafulûlo 21:25

Enyumvi zâco zirhakayigalwa mûshi, -bulyâla ntà budufu bwâbamwo.