Mafulûlo 20:10 - BIBLIYA NTAGATIFU OMU MASHI

¹⁰ Naye Shetani, erya Ndyâlya yakazâg’ibashumika, àjugucirwa omu cîna c’omuliro n’ecibiriti, ashangamwo olya w’eciryanyi bo na liryâla irumbi mpu mulêbi. Omwôla mwo bayôrha balibukira bwacà bwayira omu myâka n’emyâka.

Mafulûlo 20:10 ပူးပေါင်းရင်းမြစ်များ

Daniyeli 7:11

Nakazilolêreza, olubî lw’ebinwa binjibinji byakazâgiderhwa na lirya ihembe, oku nandwîrhe nalolêreza nabona erya nsimba yayîrhwa, omubiri gwâyo bagusharhulasharhula banagukwêba omu muliro.

Mateyo 25:41

Okubundi anacibwîre abâli ebwa kumosho kwâge nabo, erhi: «Ntengiho, mwe bakagwa, mujè omu muliro gurhazima, gwarheganyizibagwa shetani na bamalahika bâge.

Mateyo 25:46

Okuhandi abo banajà omu malumwa garhahwa, n’abashinganyanya bajè omu buzîne bw’ensiku n’amango.

Mateyo 7:15

Mumanye abalêbi b’obunywesi, abammujaho bayambirhe nka bâna-buzi, n’obwo omu murhima gwâbo bali biryanyi.

Marko 9:44

omu omuvunyu gwâbyo gurhafà n’omuliro gurhazima.]

Mafulûlo 16:13

Okubundi nanacilangîra bazimu basharhu babî babî nka bikere bapamuka ekanwa k’enkuba-joka, n’ekanwa k’olya w’eciryanyi, n’ekanwa ka lirya irumbi mpu mulêbi.

Mafulûlo 19:20

Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne.

Mafulûlo 20:8

agend’ishumika amashanja gabà oku marhwêrhwè anni g’igulu, Gogi na Magogi, ajè abashûbûza mpu bajè oku bîrha. Kwo bali banji ak’omushenyi gw’omu nyanja.

Mafulûlo 9:17

Ntyâla kwo nabwîne ebiterusi n’ababitamîrekwo bayôsire erhi mbà ndwîrhe nabona: bâli bagwêrhe empezi ziri nka masêsè ga muliro, zinashushire omukara gw’ecibogo n’ecibiriti. Amarhwe g’ebiterusi kwo gali gayôsire nka ga ntale, n’ekanwa kâbyo yakazâg’irhenga omuliro n’omugî n’ecibiriti.