Mafulûlo 2:10 - BIBLIYA NTAGATIFU OMU MASHI

¹⁰ Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne».

Mafulûlo 2:10 ပူးပေါင်းရင်းမြစ်များ

Ennanga 31:23

Omu ntemu yâni niehe naderha, nti: «Bankûzire omu masù gâwe». Ci wêhe wayumva izù ly’omusengero gwâni ene nkaz’ikuyâkûza.

Ndûlù 3:57

Amango nakuhamagalaga wanyegera wanabwîra, erhi: «Orhayôbohaga».

Daniyeli 1:12

Nkuhûnyire mâshi orhangirhangula kuli rhwe mango ga nsiku ikumi, bakazirhuhà enshogo-lubala oku kulya n’amîshi bwîshi oku kunywa,

Daniyeli 1:14

Olya muganda anaciyêmêra kulya bahûnyire abarhangulirakwo mango ga nsiku ikumi.

Habakuki 2:3

“Ebyo nkufulûlîre amango byabâmwo garhacihika, ci kwône byâyish’iyalagala omu mango gâbyo. Obilinde kwône onabilembere ciru wa­nkabona nka bilegamire: ebi ndesire byâyisha ho n’aho buzira kulega­ma”.

Mateyo 10:22

Mwâshombwe na boshi, erhi Izîno lyâni lirhuma; ci owacîkanyekanye kuhika buzinda ye wayish’icunguka.

Mateyo 10:28

Murhayôbohaga abayîrha omubiri barhankanahash’iyîrha omûka; ci muyôbohe olya wankahash’iyîrha n’okukwêba omûka n’omubiri omu cîna c’omuliro.

Mateyo 24:13

“Ci owayôrhe ali mwinjà kuhika olusiku luzinda, oyo ye wâcunguke”.

Marko 13:13

“Mwayish’ishombwa n’abantu boshi izîno lyâni lirhuma; ci owayôrhe ali mwinjà kuhika olusiku luzinda, oyo ye wâcunguke”».

Marko 8:35

Bulya owalonze okuciza obuzîne bwâge, ye wâbuheze; ci owâheze obuzîne bwâge nie ntuma n’Emyanzi y’Akalembe, ye wâbucize.

Luka 21:12

“Ci embere y’okwo kwoshi, barhang’immugwârha, ba­mmulibuze, bammuhâne omu masinagogi n’omu mpamikwa, banammuheke e­mbêre z’abâmi n’abarhegesi izîno lyâni lirhumire”.

Yowane 12:25

Osîma obuzîne bwâge, anaburhêre; naye oshomba obuzîne bwâge hano igulu, anabulange omu kalamo k’ensiku n’amango.

Yowane 13:2

Erhi babà bakola badwîrhe ba­lya, erhi na shetani ahîrage Yûda w’e Keriyoti mwene Simoni, omu murhima, ihano ly’oku­muhâna,

Yowane 13:27

Erhi ayûs’imira eco cihimbi c’omugati, Shetani amujamwo. Okuhandi Yezu anacimubwîra, erhi: «Okuwalonza okujira, okujirage duba».

Ebijiro 20:24

“Ci kwônene, ntashîbirîri buzîne bwâni, casiga nyunjuze olugendo lwâni n’obugo Nyakasane ampâga bw’okumanyîsa Emyanzi y’Akalembe k’enshôkano ya Nnâmahanga”.

Ebijiro 21:13

Lêro Paolo anacishuza erhi: «Kurhi okwo mudwîrhe mwalaka mwanantwa omurhima?. “Niehe arhali kubohwa kwône ncîrheganyizekwo, ci n’okufîra e Yeruzalemu izîno lya Nyakasane lirhumire”».

1 Bakorinti 9:25

Ngasi ojà mashigwè analeke byoshi. Kuderha mpu ahâbwe obukuze bwa lusiku luguma. Rhwêhe irenge rhukolera liri ly’ensiku n’amango.

Befezi 2:2

mwalimwo mîra erhi mukashimba obugende bw’eri igulu n’okukashimba omuluzi w’obwâmi bw’omu cirêre, ye muzimu ntalikirira entumva…

Befezi 6:12

Bulya ababisha rhulwîsa gurhali mubiri na mukò, ci Mâmi, n’Amahashe, n’Amarhegesi g’eri igulu ly’omwizimya; rhulwîsa abazimu babî babêra omu cirêre.

Yakôbo 1:12

Iragi lyâge omuntu olembera amarhangulo! Bulya erhi abà amâgahima, anayish’ihâbwa ishungwè ly’obuzîne Nyamuzinda alaganyagya abamuzigira.

1 Petro 5:4

N’amango Lungere w’abangere acîyêrekana, mwahâbwa ishungwè ly’irenge lirhakasherêra.

1 Petro 5:8

Mulange olugero munabè masù! Omushombanyi winyu, Shetani, nka ntale yaluluma, adwîrhe azunguluka-zunguluka, mpu alonze oyu amira.

Mafulûlo 13:14

Carheba abantu b’igulu n’ebyôla birhangâzo càli cihîrwe mpu cijire omu masù g’eciryanyi; cabwîra abantu b’igulu mpu bajire enshushano ya cirya cirya­nyi bayagazagya n’engôrho canafuma.

Mafulûlo 13:2

Eco ciryanyi nabonaga càli cishushire engwi; amagulu gâco gàli nka ga mpangaza, n’akanwa kâco kàli nka ka ntale. Erya nkuba-joka yahêreza eco ciryanyi emisî yayo, n’entebe yayo na buhashe bunji.

Mafulûlo 13:7

Baciyêmêrera mpu cilwîse abashinganyanya cinabahime; bacîhà n’obuhashe kuli ngasi bûko, na ngasi mulala, na ngasi lulimi, na ngasi ishanja.

Mafulûlo 17:14

Bayish’ilwîsa Omwâna-buzi, ci Omwâna-buzi âbahima, bulya ye «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi».

Mafulûlo 2:13

Ntahabiri aha oyûbaka; ho entebe ya Shetani ebà. Izîno lyâni oligwêrhe buzibu, orhanahakanaga bwanyêmêra, ciru na mwo zirya nsiku omuhamîrizi wâni w’okunali Antipa anigira­gwa emwinyu, eyo munda Shetani ayûbaka.

Mafulûlo 2:9

Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani.