Mafulûlo 19:1 - BIBLIYA NTAGATIFU OMU MASHI

¹ Aha nyuma ly’okwo, nayumva eliri nk’izù linene lya bantu mwandu ba­dwîrhe bayâkûza emalunga, mpu: «Aleluya! Obucire n’irenge n’obuhashe binali bya Nnawîrhu Nyamuzinda,

Mafulûlo 19:1 ပူးပေါင်းရင်းမြစ်များ

1 Nganîro 29:11

Yâgirwa, wêne we nn’obukulu n’obuhashe, irenge, okurhwâliha n’obwâmi w’e nnabyo, byoshi omu mpingu na bano igulu bibà byâwe. Muhànyi, we mwâmi, we Nnahano orhegeka igulu, obuhirhi n’irenge kuli we birhenga.

Ennanga 104:35

Abanya-byâha barheng’en’igulu, banyankola-maligo nabo barhacihabâga. Murhima gwâni kuza Nnâmahanga!

Ennanga 106:1

Aleluya Kuzagyi Nyakasane, bulya ali mwinjà, na bulyâla olukogo lwâge lubà lw’ensiku n’amango

Ennanga 111:1

Aleluya! Nkola nakuza Nyakasane n’omurhima gwâni gwoshi, omu ndêko y’abemêzi n’ey’abashinganyanya.

Ennanga 115:18

Ci rhwe rhuzîne rhwe rhwakuza Nyakasane, buno n’omu myâka n’emyâka.

Ennanga 146:1

Aleluya! Murhima gwâni kuza Nyamuzinda

Ennanga 148:1

Aleluya! Kuzagi Nyamuzinda kurhenga enyanya emalunga mumukuze oku nkuba.

Ennanga 149:1

Aleluya! Yimbiri Nnâmahanga olwimbo luhyâhya, irenge lyâge liyumvîkane omu ndêko y’abarhonyi bâge.

Ennanga 150:1

Aleluya! Kuzagi Nyakasane omu ka-Nyamuzinda, Kuzagi ye oku nkuba omu buhashe bwâge.

Ennanga 3:8

Zûka, zûka, Nnâmahanga! ontenze omu marhabi, mâshi Nyakasane! Enzigo zâni ozikolere buligo eyo mihera erhacisigalanaga ciru n’elîno lyo linyi ekanwa.

Ennanga 62:11

Murhahiraga mukalimbira emisî, murhahiraga mukacîkubagira eby’obuhagwe, ebirugu, ciru byankaluga, murhahiraga mukabihirakw’omurhima.

Yeremiya 51:48

“Go mango empingu n’igulu na ngasi bimubà byoshi byabanda endûlù kuli Babiloni, bulya abamushandâza bayiruka, bahubuka olunda lw’enyanya. Ntyo kwo Nyakasane ogala byoshi adesire”.

Yônà 2:9

Bala barherekêra abazimu, bône bacihegeza iragi lyâbo.

Mateyo 6:13

Orhanarhuhiraga omu mashumi, ci orhulîkûze oku Mubî.

Mafulûlo 11:15

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Mafulûlo 12:10

Nanaciyumva izù linene emalunga, mpu: «Lêro obucire, n’obuhashe, n’obwâmi bwa Nyamuzinda wîrhu, n’oburhegesi bwa Kristu wâge bwamâyisha! Bulya olya okaz’ishobeka bene wîrhu, olyâla wakazâg’ibashobeka bwacà bwayira emunda Nyamuzinda wîrhu ali, ajirage ajugucirwa!

Mafulûlo 19:6

Nashub’iyumva eliri nk’izù lya bantu mwandu n’eliri nka nshalalo ya mîshi manji, n’eliri nka mukungulo gwa milazô, lyayisha, mpu: «Aleluya! Nêci, ye yîmire Nyakasane, Nnawîrhu Nyamuzinda, Nn’amahanga goshi.