Mafulûlo 18:16 - BIBLIYA NTAGATIFU OMU MASHI

¹⁶ «Camahera! Camahera cirya cishagala cinênênè! Alà erhi càbâga ciyambîrhe emishangi y’ecitâni n’eshushire omukò n’ey’akaduku! Erhi càbâga camayambala amasholo, n’enjuma z’amabuye g’engulo ndârhi, n’amagerha!

Mafulûlo 18:16 ပူးပေါင်းရင်းမြစ်များ

Ezekiyeli 28:14

Nali nkuhizire kwo kerûbini wakazikulanga, wali oku ntondo ntagatîfu ya Nyamuzinda, wakazagigera omu karhî k’amasèsè g’omuliro.

Nahumu 2:9

Ninive kwo ali nka luganizo lwa cidêka. Badwîrhe bayakuza, mpu: «Kafè, kafè, kafè!» Ci ntâye wakabagana kwo kunyi.

Mafulûlo 17:3

Anacimpêka omu irungu omu ciri nka cilôrho. Nabona omukazi atamîre oku ciryanyi cidukula-cidukula, erhi yêshi yêshi ayunjwîre mazîno ga bijâci, erhi anagwêrhe marhwe nda na mahembe ikumi.

Mafulûlo 17:4

Nyamukazi ali ayambîrhe eby’akaduku k’omukara n’emishangi midukula-dukula, erhi adwîrhe alangashana n’amasholo, n’enjuma z’olukwenyu, n’amagerha. Omu nfune zâge àli afumbasire akabêhè k’amasholo kayunjulirîne obubî bwâge haguma n’emiziro y’okuhusha kwâge.

Mafulûlo 18:18

n’erhi babona omugî gw’eyo ngulumira y’omuliro, bàkâyakûza n’okuderha, mpu: «Cindi cishagala cibî càli ak’ecishagala cinênênè wâni?»

Mafulûlo 18:19

Banaciyanka oluvù, bàcîheba oku irhwe, bàkâyakûza banali omu mulenge n’emishîbo, mpu: «Camahera! Camahera cirya cishagala cinênênè! Ngasi bajira amârho omu nyanja buhirhi bwâco bwabagazagya na nsâ nguma yône cibêriremwo mushaka!»