Mafulûlo 17:17 - BIBLIYA NTAGATIFU OMU MASHI

¹⁷ Bulya Nyamuzinda ahebire omu mirhima yabyo emihigo y’okujira obulonza bwâge n’okufundikira haguma mpu bihêreze cirya ciryanyi obwâmi bwâbyo kuhika ebinwa bya Nyamuzinda biyunjule.

Mafulûlo 17:17 ပူးပေါင်းရင်းမြစ်များ

Ezra 7:27

Ayâgirwe Nyamubâho Nyamuzinda w’ababusi bîrhu, owahiraga omu murhima gwa mwâmi okwo kukuza aka-Nyamuzinda kabà aha Yeruzalemu.

Ennanga 105:25

Atulongola omurhima gw’abo bashombanyi mpu bamînyize olubaga lwâge banalenganye abambali.

Migani 19:21

Emihigo y’omurhima gw’omuntu eluga, ci omuhigo gwa Nyakasane gwo gusêra.

Migani 21:1

Omurhima gwa mwâmi kwo guli omu nfune za Nyakasane nka mugezi gwa mîshi, emunda alonzize yo anaguhengulira.

Izaya 45:17

Israheli ayôkolwa na Nyakasane, ayôkolwa oku nsiku n’amango. Murhakacifa mwabwîne nshonyi murhakanacifa mwaturutumbire.

Yeremiya 32:40

“Nashubisêza rhweshi nabo amalaganyo garhakahwa, nâbashimbulira, njè nabahugûla, bakazirhînya enjira mbî, bakulikîre ezâni nâbayêreka”.

Daniyeli 12:7

Nanaciyumva izù ly’oyôla muntu waliyambirhe ogw’ecitâni anali enyanya zâbo omu lwîshi. Ayinamulira okuboko kulyo enyanya omu malunga n’okuboko kumosho, anacilahira oku izîno lya Nnamubâbo ozîne, erhi: «Hano kugera amango, mango garhali manyi n’ecihimbi c’amango na hano bayûsa okufunyâza emisî y’olubaga lutagatîfu, go mango ebyôla byoshi byaâhwa.»

Luka 22:22

Nêci. Mwene-omuntu acikolera nka oku ayàndikîrwe; ci kwônene buhanya bwâge; omuntu Mwene-omuntu anâhânwe naye!»

Luka 22:3

Lêro Shetani ajamwo Yûda, oderhwa w’e Keriyoti, muguma wa muli balya ikumi na babiri.

Luka 22:37

Bulya, mmubwîre, kukwânîne aka kanwa k’Amandiko kayunjule kuli nie: Aganjirwe omu bagoma. Nêci, ebinyêrekîre byaling’iyunjula».

Yowane 10:35

“Ecitabu c’Amarhegeko cidesirage oku balya ebinwa bya Nyamuzinda bibwirwa bali ba-nyamuzinda n’Amandiko garhankazâzibwa”;

Yowane 13:18

Arhali mweshi ndesire; mmanyire abanacîshozire; ci kwônene kuhika akanwa kayandisirwe kabè, mpu: Oyu rhushangîre omugati rhwe naye, ayimusize omwigegere mpu agunshenye.

Yowane 13:2

Erhi babà bakola badwîrhe ba­lya, erhi na shetani ahîrage Yûda w’e Keriyoti mwene Simoni, omu murhima, ihano ly’oku­muhâna,

Yowane 19:24

Banacicîjânamwo bône na nnene, mpu: «Rhurhacisharhulaga, ci rhuciyeshe cigole, rhulole ndi wacihêka». Ntyo kwanaciyunjula kulya kwàli kuyandisirwe, mpu: Emyambalo yâni bayigabâna, n’ecishûli câni baciyesha cigole. Ntyôla kwo abasirika bajizire.

Yowane 19:28

Enyuma z’aho, Yezu erhi amanyirîre oku byoshi byayunjwîre, mpu lyo ebyayandisirwe byoshi bibà, anaciderha, erhi: «Enyôrha yamangwârha»,

2 Bakorinti 8:16

Mushâna Nyamuzinda ayâgirwe! owahiraga obu bushiru kuli mwe omu murhima gwa Tito.

Mafulûlo 10:7

ci mpu e­nsiku banayumve Malahika wa kali nda abûha omu mushekera, erhi ihwe lya Nyamuzinda lyamâyunjula, nk’oku abwîraga bambali bâge abalêbi.

Mafulûlo 15:1

Nashub’ibona ecindi cimanyîso omu malunga, cimanyîso ciri ca kurha­ngâza- Bamalahika nda badwîrhe mahanya nda. Go gakolaga mazinda gayûsa omungo gwa Nyamuzinda gwoshi.

Mafulûlo 17:13

Boshi haguma bagereza: mpu bahêreze eco c’erubala obuhashe n’oburhegesi bwâbo.

Mafulûlo 19:9

Malahika anacimbwîra, erhi: «Yandika: Iragi lyâbo abahamagîrwe mpu baj’irya oku buhya bw’Omwâna-buzi!» Ashub’imbwîra, erhi: «Ebyo binwa biri bya Nyamuzinda, birhali bya bunywesi».

Mafulûlo 6:11

Banacibahêreza ngasi muguma ecirondo cêru, banababwîra mpu balinde hindi hisanzi hitya kuhika abâbo bashizi na bene wâbo bali buyîrhwa akâbo bahalûke.