Mafulûlo 17:12 - BIBLIYA NTAGATIFU OMU MASHI

¹² Na galya mahembe ikumi wabonaga, bali bâmi ikumi barhacihâbwa obwâmi; ci bâhâbwa obuhashe bw’okurhegeka nsâ nguma nka bâmi haguma na cirya ciryanyi.

Mafulûlo 17:12 ပူးပေါင်းရင်းမြစ်များ

Daniyeli 7:20

Oku biyêrekîre galya mahembe ikumi g’oku irhwe lyâge n’oku biyêrekîre lirya ihembe lyameraga lyarhuma gandi asharhu garhenga, eryo ihembe lyàli ligwêrhe amasù n’akanwa kakazâg’iderha ebintu binjibinji n’eryaliliyôsire nka lyo linene kulusha agandi.

Daniyeli 7:24

Oku biyêrekîre ago mahembe ikumi: muli obwôla bwâmi, mwârhenga bâmi ikumi, owundi âyishiyisha enyuma zâbo, ârhayish’ishushane n’abarhanzi âyish’ihima basharhu muli abôla bâmi.

Mafulûlo 10:11

Banacimbwîra, mpu: «Kukwânîne oshub’ilêbera emilala n’amashanja n’endimi na bâmi banji».

Mafulûlo 12:3

N’ecindi cimanyîso caboneka emalunga; nkuba­-joka nnênênè eshushire isêsè, ya marhwe nda na mahembe ikumi, na mashungwè nda oku marhwe gâyo.

Mafulûlo 13:1

Okubundi nanacibona eciryanyi cayinamuka omu nyanja, erhi cigwêrhe mahembe ikumi na marhwe nda; amahembe gâco erhi galikwo mashungwè ikumi, n’amarhwe gâco erhi galikwo amazîno g’ebijâci.

Mafulûlo 17:16

N’amahembe ikumi wabonaga na cirya ciryanyi, bikolaga byashomba nyamukazi namuhushà, bimutungole, bimusige mushugunu, birye enyama zâge binamuyôkere oku cîko.

Mafulûlo 18:10

Oku baciyimanzire kuli erhi kuyôboha amababale gâge kurhuma, baderhe, mpu: «Camahera! Camahera cirya cishagala cinênênè! Nêci, wâni Babiloni, cishagala ciri-misî! Kàli olwâwe omu nsâ nguma lutwîrwe!»

Mafulûlo 18:17

Kàli obwo buhirhi bwoshi nsâ nguma yône bwasingonosire­mwo!» Ngasi mwerekeza na ngasi murhunzi ogera omu nyanja, abashâna na balya boshi bakola omu nyanja, bàcîyegûla, bàgend’icîyimangira erhali hôfi;

Mafulûlo 18:19

Banaciyanka oluvù, bàcîheba oku irhwe, bàkâyakûza banali omu mulenge n’emishîbo, mpu: «Camahera! Camahera cirya cishagala cinênênè! Ngasi bajira amârho omu nyanja buhirhi bwâco bwabagazagya na nsâ nguma yône cibêriremwo mushaka!»