Mafulûlo 16:2 - BIBLIYA NTAGATIFU OMU MASHI

² Omurhanzi akanya, àj’idubulira akabêhè kâge oku igulu, kashuba kafinjo kabî na kadârhi oku bantu bàlikwo ecimanyîso ca cirya ciryanyi n’abakâg’igashâniza enshushano yaco.

Mafulûlo 16:2 ပူးပေါင်းရင်းမြစ်များ

2 Nganîro 21:15

Nâwe wêne walibuka n’endwâla ndârhi, ndwâla y’omu nda, kuhika amalà gâwe garhenge omu nda yâwe erhi eyôla ndwâla erhuma, n’okwôla kwakubêra nsiku zirhali nyi.»

2 Nganîro 21:18

Enyuma z’okwôla koshi, Nyamubâho amubabaliza omu nda n’endwâla erhankahashifuma.

Ennanga 78:26

Ashub’ijà aho: atul’empûsi emalunga, n’oku buhashe bwâge azûsa kalemêra.

Izaya 3:17

Nyakasane akola ahira ebibungu omu marhwe g’abâna-nyere b’e Siyoni anabamôme emikungu.

Izaya 3:24

Ahâli h’omugavu, byâbà bibolêreza; ahâli h’omukaba, lwâbà lukoba; ahâli h’emviri mpunge, lyâbà irhwe lihalanguzè; ahâli h’akanzu, bwâbà busunzu; ahâli h’obwinjà, yâbà myokêro.

Ebijiro 12:23

Ho n’aho, Malahika wa Nyakasane amunêsha, bulya arhàli ahîre Nyamuzinda irenge lyâge. Alundwa n’emivunyu, arhengamwo omûka.

Lushika 28:27

Nyamubâho akulikirakwo amahurhe g’e Mîsiri, emibuha-mibuha, amaherhe n’ebizimba orhafume.

Lushika 28:35

Nyamubâho akulikira ecizimba cihâsa oku madwî n’oku nfundo, orhanacifume: câkulumira wêshi, kurhenga oku lushando kuhika aha ntondo z’irhwe.

Lushika 7:15

Nyamubâho akucinga oku ngasi bulwâla, arhakurhumire ciru n’obuguma muli galya mahanya wabwîne arhumira ab’e Mîsiri, ci abakushomba boshi, bo anagahengulirakwo.

Mafulûlo 13:12

Erhi cishizire cirya c’ebwêru cirhanzi, cinadwîrhe cakolêsa obuhashe bwâco bwoshi; carhuma igulu n’abalibâmwo baharâmya cirya cirya­nyi cirhanzi babukaga ecibande c’olufù.

Mafulûlo 14:16

Nyakutamala oku citù anacirîka omugushu gwâge, igulu lyasârûlwa.

Mafulûlo 14:9

Owundi Malahika, ye wa kasharhu, naye ayisha akulikîre abâbo, ayâkûza n’izù linene, erhi: «Hakajira omuntu ogashâniza olya w’eciryanyi n’enshushano yâge, akanahebwa ecimanyîso câge emalanga nîsi erhi omu nfune,

Mafulûlo 16:1

Nanaciyumva izù lyarhenga mulya ngombe, lyayâkûza balya Bamalahika oku banali nda, erhi: «Mukanye, mugend’idubulira orhwo rhubêhè nda rhw’omutula gwa Nyamuzinda oku igulu».

Mafulûlo 16:11

Ci ahâli h’okuderha mpu bacîyunjuze baleke okwâbo, bôhe bagwîra balogorhera Nyamuzinda w’empingu erhi mababale gâbo n’ebibande birhuma.

Mafulûlo 8:7

Okuhandi omurhanzi agubûha erhi na mushekera: lwashuba lubula n’omuliro bigushe haguma n’omukò, babikwêba oku igulu. Ecihimbi ca kasharhu c’igulu càbôyôka, ecihimbi ca kasharhu c’emirhi càsirîra, na ngasi byâsi bibishi byàhya.

1 Samweli 5:6

Okuboko kwa Nyamubâho kwazidohera olubaga lw’e Ashdodi, kwabayôbohya bwenêne, boshi bakalwâlira amahurhe omu magala. Byâbà ntyo oku lubaga lwa Ashdodi, n’omu cihugo câge mwoshi,

1 Samweli 5:9

Ci kwônene oku bamaguhisayo ntyâla, okuboko kwa Lungwè kwazidohera lulya lugo, yâbà ntemu erhasagiderhwa, ogwôla Mucîmba gwanacilêrha mahanya manji bwenêne oku bantu bw’omôla lugo, kurhenga oku mwâna kuhika oku mukulu, boshi bakalwâlira amahurhe omu magala.